Memlekettik sýbsıdııa ulǵaıǵanymen, aýyl sharýashylyǵyndaǵy ónim kólemi artpaı otyr - A.Mamytbekov
"Elbasy aýyl sharýashylyǵy salasyndaǵy memlekettik qoldaý júıesiniń tıimdiligin arttyrý jóninde birneshe ret naqty tapsyrma bergen bolatyn. Osy tapsyrma aıasynda biz halyqaralyq təjirıbeni zerttep, ishki jaǵdaıdy saraptap, kelesi jaǵdaıdy kórip otyrmyz: qazirgi jaǵdaıda memleket tarapynan beriletin qoldaý tetikteri men olardyń kólemi, olardyń sany ulǵaıyp kele jatyr", - degen mınıstr bul qoldaýlardyń jaýaby retinde osy saladaǵy ónim kólemi kóbeımeı otyrǵanyn jasyrmady. "Mysaly, sońǵy bes jylda memlekettik bıýdjetten beriletin sýbsıdııalardyń kólemi 2,6 esege ulǵaıǵan. Biraq, ókinishke oraı, aýyl sharýashylyǵy ónimderiniń kólemi eselep ósip jatqan joq. Berilgen sýbsıdııa men óńdelgen ónim kólemi arasynda úlken aıyrmashylyq bar. Bes jyl ishinde aýyl sharýashylyq kólemi ósse de, onyń ósý úrdisi əldeqaıda tómen, ıaǵnı, bes jylda 1,75 esege ǵana ulǵaıǵan", - deıdi A.Mamytbekov. A.Mamytbekov atap ótkendeı, mınıstrlik bul rette memlekettik qoldaý is-sharalaryn ulǵaıtý jəne sýbsıdııalardyń tıimdiligin arttyrý boıynsha tıisti zertteýler júrgizedi.