Memlekettik sýbsıdııa esebinen tarıfterdi tejep, kommýnaldyq qyzmet salasyn jańǵyrtý esh múmkin emes - N. Qapparov

Búgin Astanada «Qazaqstanda «jasyl» ekonomıkany qurý» atty halyqaralyq konferentsııa barysynda Qorshaǵan ortany qorǵaý mınıstri Nurlan Qapparov osylaı málim etti.

Mınıstrdiń aıtýynsha, elimizde energetıkany, sý sektoryn, kommýnaldy-turmystyq sektordy sýbsıdııalaý kórsetkishi joǵary. ıAǵnı, N. Qapparovtyń sózine qaraǵanda, elimizde sýbsıdııa esebinen tarıf tómen bolyp otyr.

«Alaıda, dál osylaısha atalǵan júıeni jańǵyrtý da, sol salaǵa qatysty jańa nysandar qurylysyn salý da esh múmkin emes. Eń aldymen jurtshylyq osyny uǵynǵany abzalyraq jáne sapaǵa saı tólem jasaýǵa úırene bergeni durys. Endeshe tómen tarıf sonshalyqty durys másele emes», - dedi mınıstr.

Bul rette qorshaǵan ortany qorǵaý vedomstvosynyń basshysy kommýnaldyq qyzmetke tarıfterdi birtindep kóterý qajettigin, alaıda tarıf ósimi halyqtyń ál-aýqatynyń ósimimen saı bolýy tıistigin atap ótti.

«Ekonomıka artqan saıyn tarıf te soǵan saı kóterilip otyrýy kerek. Sol úshin erteń-aq birden tarıfterdi arttyryp, ony álemdik deńgeıge jetkizýdiń qajeti joq. Óıtkeni, bulaı bolsa, halyqqa tólem jasaýǵa aýyrtpashylyq túsip, ındýstrııa da básekege qabiletsiz bolar edi»,-dedi N. Qapparov.