«Memlekettik statıstıka týraly» Zań statıstıkalyq derekterdiń sapasyn arttyrýǵa múmkindik berip, ýákiletti organnyń táýelsizdigin qamtamasyz etedi - Á.Smaıylov
ASTANA. Sáýirdiń 5-i. QazAqparat /Marlan Jıembaı/ - «Memlekettik statıstıka týraly» Zań jobasy taıaýda Parlamentte qabyldanyp, naýryzdyń 19-ynda Memleket basshysy qol qoıǵan bolatyn. Osy zańdy túsindirý maqsatynda búgin elimizdiń Statıstıka agenttiginiń basshysy Álıhan Smaıylov aqparat quraldarymen baspasóz máslıhatyn ótkizdi.
«Bul zańnyń negizgi baǵyty barlyq statıstıkalyq málimetterdi paıdalanýshylardyń sapaly statıstıkalyq aqparattarǵa degen suranysyn qanaǵattandyrýǵa baǵyttalǵan», deıdi ol.
Agenttik basshysynyń atap ótýinshe, Zań birneshe maqsattardy kózdeıdi. Birinshisi - statıstıkalyq jáne statıstıkalyq emes qyzmetterdiń ara jigin ajyratý. Statıstıkalyq qyzmetti statıstıkalyq jumystar josparynyń sheginde ýákilettik organdar, memlekettik organdar jáne Ulttyq bank júzege asyrsa, statıstıkalyq emes qyzmetterdi strategııalyq retteýshi, iske asyrýshylyq nemese baqylaý fýnktsııalaryn júzege asyrý aıasynda memlekettik organdar júzege asyrady. ıAǵnı, osy fýnktsııalardyń aıasynda ákimshilik derekkózder jınaıtyn kez kelgen derekter ákimshilik derekter bolyp tabylady.
«Bul degenimiz, ákimshilik derekkózderge qol jetkizýdi jáne respondertterdiń esep júktemesin tómendetýdi qamtamasyz etý úshin jasalynyp otyr», deıdi Á.Smaıylov.
Ekinshiden, zań jobasy Birikken Ulttar Uıymynyń resmı statıstıkasynyń negizgi prıntsıpterin ornyqtyrady jáne bul zań halyqaralyq talaptarǵa sáıkes keltiriledi. Úshinshiden, bastapqy statıstıkalyq derekterdiń qupııalylyǵy men qorǵalýyna kepildikti ornyqtyrady. Agenttik basshysynyń paıymdaýynsha, bul statıstıka organdaryna degen senimdi joǵarylatý arqyly statıstıkalyq derekterdiń sapasyn arttyrýǵa múmkindik berip, ýákiletti organnyń táýelsizdigin de qamtamasyz etpek.
«Bastapqy statıstıkalyq derekterdi qalyptastyrý boıynsha, respondentterdiń jumysyna aralasýǵa tyıym salynatyndyǵyn atap ótken ol, «bul neǵurlym anyq derekterdi alýda memlekettik bılik organdarynyń aralasýyn shekteýge múmkindik beredi jáne de memlekettik statıstıka organdarynyń júıesine kiretin barlyq organdardyń qyzmetkerlerine bastapqy statıstıkalyq derekterdi joıǵany, zańsyz jarııalaǵany, taratqany, satqany úshin derbes jaýapkershilikti belgileıdi», deıdi.
Sonymen birge, jańa zańnyń taǵy bir ereksheligi, onda «statıstıkalyq kartochka» degen qujat endi barlyq zańdardan alynyp tastalynady. ıAǵnı kásipkerlik sýbekt óziniń quryltaıshy qujattarymen qatar statıstıkalyq kartochkany memlekettik organdarǵa, bankterge jáne basqa da mekemelerge barǵan kezde bermeıtin bolady.
«Bul jalpy statıstıkalyq qyzmet úshin úlken kómek, barlyq statıstıkalyq paıdalanýshylarǵa tıisti statıstıkalyq málimetti ýaqtyly berýge kómektedi», deıdi agenttik basshysy.
