Memlekettik shekarany mektep oqýshylary da kúzetip júr
ASTANA. QazAqparat - Ońtústik Qazaqstan oblysynda elimizdiń shekarasyn qorǵaý isine mektep oqýshylary da qolǵabys etýde.
«Habar-24» telearnasynyń habarlaýynsha, Saryaǵash aýdanynda shekarashylardyń jas dostary qozǵalysy qaıta jandanǵan. Qazirgi tańda úıirmeler mektep janynan qurylyp, onda oqýshylardy áskerı qyzmetke baýlýda. Halyq belsendilerine tipti arnaıy kýálikter de berilgen.
Jasóspirimder bolsa, shekara zańdaryn buzýshyny ustaýǵa qolǵabys etýde. Birde shekara mańynda kúdikti adamdy kórgen oqýshylar bul aqparatty eresek azamattarǵa jetkizgen. Nátıjesinde aýyr qylmys jasaǵany úshin ınterpol izdep júrgen qylmysker qola tústi.
Taǵy bir oqıǵa Qaplanbek aýylynda boldy. Mektep oqýshysy belgisiz azamattyń zańsyz shekara asqaly júrgenin baıqap qalap, dereý qajetti jerge habar bergen. Bul zań buzýshy da ustaldy.
«Búgin biz jasóspirim shekarashylarǵa kýálikterin berdik. Bul - óskeleń urpaqty tárbıeleý. Bizdiń jaýyngerlerimiz árıne, qashanda saq. Alaıda, bizge balalardyń da kómektesýge daıyn ekendikterin kórip otyrmyz. Endeshe olardyń nıetterin nege qabyl almasqa. Biz olarmen birge óte kóp patrıottyq sharalar uıymdastyramyz»,-dedi shekara komendatýrasy komendantynyń orynbasary Ǵalymjan Ábenov.
