Memlekettik sektor ekonomıkany ınvestıtsııalaýdy qysqartty
ASTANA. QazAqparat - Memlekettik sektor ekonomıkany tikeleı ınvestıtsııalaýdaǵy óz qatysýyn azaıtty. 2016 jyly negizgi kapıtalǵa bıýdjettik ınvestıtsııalar kólemi 7%-ǵa deıin qysqardy. Sonymen qatar, jalpy ınvestıtsııalyq qorjyn 10%-ǵa ósken, dep jazdy finprom.kz.
Jalpy ınvestıtsııalar kóleminiń úshten eki bóligin menshikti bıznes qarajaty quraǵan.
2016 jyldyń qorytyndysy boıynsha, negizgi kapıtalǵa bıýdjettik ınvestıtsııalar kólemi 7,7 trıllıon teńgeden asty. 5,3 trıllıon teńge somasyna jańa negizgi qorlar qoldanýǵa berildi, bul 2015 jylmen salystyrǵanda 10%-ǵa kóp. Memlekettik ınvestıtsııalardyń úles salmaǵy 18-den 15 paıyzǵa deıin qysqarǵan.
Investıtsııalardyń negizgi kólemin, shamamen úshten eki bóligi - 4,7 trıllıon teńgeni bıznes óz esebinen qamtamasyz etken. Kólemi boıynsha, ekinshi ınvestıtsııalaý kózi - qaryz qarajaty 1,4 trıllıon teńge, jyldyq ósimi - 14,8%. Sheteldik ınvestıtsııalardyń ekonomıkamyzǵa úles salmaǵy jalpy qorjynnyń 30%-yn (2,3 trıllıon teńge) quraǵan. Ósimi - 10,4%.
