Memlekettik saıasatta ǵylymı jáne sarapshylyq qoldaýǵa qajettilik artady – Senat spıkeri
«Mańyzdy tus – áleýmettaný salasynda kadrlardy daıyndaý. Bul jerde de belgili bir máseleler bar. Tolyqtaı alǵanda, aldaǵy kezeńde memlekettik saıasatta ǵylymı jáne sarapshylyq qoldaýǵa qajettilik artatyn bolady. Qazaqstan Parlamentiniń Senaty otandyq áleýmettaný ǵylymyna eń aldymen zańnamalyq qamtamasyz etý turǵysynan jan-jaqty qoldaý kórsetýge daıyn. Senat sarapshylyq qoǵamdastyqty damytýǵa baǵyttalǵan jobalardy qoldaıdy. Kongress aıasynda Jas áleýmettanýshylar forýmy jumys isteıtinin bilemiz. Bul bizdiń palatamyzda júrgizetin jumystarmen úndesedi», - dedi Senat spıkeri Qazaqstan áleýmettanýshylarynyń VII kongresinde.
Osy rette Máýlen Áshimbaev Senat janynda Jas sarapshylar klýby alańy bar ekendigin eske saldy. Onyń maqsaty túrli salalardy damytý úshin zańnamany jetildirý men usynystar ázirleýge ssarapshylardyń jańa býynynyń áleýetin jumyldyrý ekendigin atap ótti.
«Buǵan qosa, biz klýb bastamashylyq jasaǵan jańa qoǵamdyq jobaǵa – Sarapshylar mektebine qoldaý kórsetti. Mekteptiń maqsaty – memlekettik qyzmette, akademııalyq ortada jumys isteıtin jas mamandarǵa sarapshylyq daǵdy qalyptastyrýǵa kómektesý. Áleýmettanýshylar qaýymdastyǵyn osy jobada yntymaqtastyqqa shaqyramyn», - dedi ol.
