Memlekettik satyp alýlarǵa qatysý talaptary ózgeredi
ASTANA. QazAqparat - Aldaǵy ýaqytta memlekettik satyp alýlarǵa qatysatyn kompanııalarǵa baılanysty talaptardy ózgertý kózdelip otyr. Búgin QR Qarjy vıtse-mınıstri Rýslan Beketaev depýtattarǵa atalǵan ózgerister týraly aıtyp berdi, dep xabarlaıdy QazAqparat tilshisi.
"Búginde qurylys salasyndaǵy memleketik satyp alýlar kezinde ótinimderdi keri qaıtarýdyń basty sebebi - qujattardyń kóptigi. Konkýrstyq qujattardyń ishinde artyq qaǵazdar kóp. Tipti, eski texnıkany ótkizbeý sharty da bar. Ondaıda tapsyrys berýshi kez kelgen kompanııanyń ótinimin op-ońaı keri qaıtara alady", - deıdi R.Beketaev. Osyǵan baılanysty tıisti zańnamaǵa ózgerister engizip, satyp alýlarǵa qatysý talaptaryn jeńildetý kózdelip otyr. Alaıda taýar men qyzmetterdi jetkizýshi kompanııalardyń sanyna emes, jumys sapasyna basa nazar aýdarylady.
"Al jumys sapasy qalaı anyqtalady? Aldymen salyqtyq júktemeniń mólsherine nazar aýdarylady. Budan bólek, kompanııanyń qarjylyq turaqtylyǵy men jumys tájirıbesi eskeriledi. Osy ýaqytqa deıin kompanııanyń memlekettik satyp alýlar salasynda jınaǵan bedeli de sanalady", - dep atap kórsetti R.Beketaev.
Aıta keteıik, Rýslan Beketaev memlekettik jáne kvazımemlekettik satyp alýlar salasyndaǵy basty problemany da ashyp berdi. _a3133352 Zań jobasy aıasynda dempıngke qarsy normany engizý kózdelgen.
