Memlekettik satyp alýlardy baqylaýdyń jańa júıesi 200 mlrd.teńgeniń zań buzýshylyqtaryn joıdy
ASTANA. QazAqparat - Aǵymdaǵy jyly Qazaqstanda memlekettik satyp alýlardy baqylaýdyń jańa júıesi engizildi. Bul týraly búgin Astanada halyqqa esep berý kezdesýinde QR Qarjy mınıstri Baqyt Sultanov málim etti.
«Bıyl memlekettik satyp alýdy baqylaý úshin biz jańashyldyqtar engizdik. Konkýrs barysynda kelisimshartty bekitýge deıin ishki memlekettik aýdıttiń organdary veb-portal arqyly barlyq zań buzýshylyqtardy elep-ekshep, básekelestik ashyq júrgiziledi», - dedi mınıstr.
Onyń sózine qaraǵanda, bul baǵyttaǵy sharalar memlekettik satyp alýlarǵa bıznestiń teńdeı qoljetimdiligine quqyǵyn qorǵaıdy.
«Jarty jylda 1,3 trln. teńgege 160 myń lot qamtyldy. 200 mlrd. teńgeden astam qarjynyń zań buzýshylyqtary joıyldy»,-dedi mınıstr.
