Memlekettik satyp alýlardaǵy otandyq taýarlardyń úlesi 40 paıyzǵa jetip otyr
ASTANA. 26 jeltoqsan. QazAqparat - Jyl basynan beri memlekettik satyp alýlardyń jalpy kólemi 963 mlrd. teńgeni quraǵan. Bul týraly búgin Ortalyq kommýnıkatsııalar qyzmetinde ótken brıfıngte QR Qarjy vıtse-mınıstri Rýslan Dálenov málim etti.
"24 jeltoqsandaǵy jaǵdaı boıynsha memlekettik satyp alýlardyń kólemi 963 mlrd. teńge boldy. Shartty túrde 47 mlrd. teńge nemese 4,6 paıyz qarjy únemdeldi. Elektrondy memlekettik satyp alýlardyń úlesi 60,5 paıyzǵa jetti. Bıylǵy jyldyń 10 aıy boıynsha memlekettik satyp alýlardaǵy jergilikti taýarlardyń úlesi 86 mlrd. teńge nemese barlyq taýarlardyń 40,1 paıyzy kóleminde bolyp otyr", - dedi vıtse-mınıstr.
