Memlekettik satyp alýlarda 177 mlrd teńgege qarjylyq buzýshylyq anyqtaldy
«Ótken 9 aıda kameraldyq baqylaýmen somasy 9,1 trln teńgege 1,2 mln astam memlekettik satyp alý rásimi qamtyldy. Tekserý qorytyndylary boıynsha somasy 726 mlrd teńgege buzýshylyqtar eskertildi. 1,4 myń aýdıtorlyq is-shara ótkizildi», - dedi ol.
Mınıstrdiń aıtýynsha, aýdıtpen 785 mlrd teńge bıýdjet qarajaty qamtylǵan.
Somasy 177 mlrd teńgege qarjylyq buzýshylyqtar anyqtaldy.
«Taýarlardy jetkizýdi, qyzmetterdi kórsetýdi jáne jumystardy oryndaýdy qalpyna keltirý, bıýdjetke óteý jáne esepke alý boıynsha kórsetý jolymen 166 mlrd teńgege buzýshylyqtar joıyldy. Aýdıt nysandary qyzmetiniń tıimdiligin jetildirý jáne arttyrý úshin 1 236 usynym berildi. Onyń ishinde myńnan astamy oryndaldy», - dedi Erulan Jamaýbaev.
Sonymen qatar ol 2016-2020 jyldarǵa arnalǵan Jekeshelendirýdiń keshendi jospary 93 paıyzǵa oryndalǵanyn aıtty.
«2020 jyly 74 nysandy satý josparlanýda. Onyń 40-y satylymǵa shyǵaryldy. Esepti kezeńde somasy 85,2 mlrd teńgege 5 nysan satyldy. Saýda-sattyqta 35 nysan tur», - dedi Erulan Jamaýbaev.
