Memlekettik satyp alýlar zańnamasyn buzǵan 2 myńǵa jýyq adam jaýapqa tartyldy - QR Qarjy mınıstrligi
ASTANA. 28 qazan. QazAqparat - Aǵymdaǵy jyldyń qańtar-qyrkúıek aılarynda memlekettik satyp alýlar salasynda 1399 tártip buzýshylyq anyqtaldy.
QR Qarjy mınıstrliginiń aqparaty boıynsha, tekseristerdiń basym bóligi taýar men qyzmetterdi jetkizýshi uıymardardyń tarapynan túsetin aryz-shaǵymdardyń negizinde júrgiziledi. Ondaıda tapsyrys berýshilerdiń zańsyz is-áreketteri jıi anyqtalyp jatady. Osynyń nátıjesinde memlekettik satyp alýlardyń 279 sharasy toqtalyp, qaıta qaraldy. Quqyq qorǵaý organdaryna 88 materıal joldandy.
Al osy ýaqytqa deıin 662 adamǵa 60,1 mln. teńge kóleminde aıyppul salyndy. Búginde sol aqshanyń 42,4 mln. teńgesi tólendi. Budan basqa, memlekettik satyp alýlar zańnamasyn buzǵan 1351 adam tártiptik jazaǵa tartyldy. Olardyń 13-i óz qyzmetimen qosh aıtysty.
