Memlekettik satyp alýlar salasynda jemqorlar 110 mlrd. teńge zalal keltirdi
ASTANA. QazAqparat - Memlekettik satyp alýlar salasynda jemqorlar memleketke 110 mlrd. teńge shyǵyn keltirdi. Bul týraly búgin Ortalyq kommýnıkatsııalar qyzmetindegi brıfıngte agenttik tóraǵasynyń orynbasary Marat Ahmetjanov málim etti.
«Ahýaldyq ortalyqtyń saraptamalyq materıaldarynyń negizinde keltirilgen 110 mıllıard teńge zalal boıynsha 516 qylmystyq is qozǵaldy», - dedi M. Ahmetjanov.
Byltyrdan beri agenttikte Ahýaldyq ortalyq jumys istep jatqanyn eske salyp ótken ol, onyń qyzmetkerleri memlekettik organdar men ózge de ashyq aqparattyq kózderdi paıdalanyp, kelip túsken málimetterge taldaý jasap, quqyq buzýshylyqtyń problemalyq aımaqtaryn anyqtaý turǵysynda saraptamalar júrgizetinin atap ótti. Sonymen qatar, olar shaǵyn jáne orta kásipkerliktiń qyzmetine aralaspaıdy.
