Memlekettik satyp alýlar salasyna baqylaý kúsheıtilmek - R.Beketaev
ASTANA. QazAqparat - Memlekettik satyp alýlar salasyna baqylaý kúsheıtilmek. Bul týraly búgin Ortalyq kommýnıkatsııalar qyzmetinde ótken brıfıngte QR Qarjy vıtse-mınıstri Rýslan Beketaev málim etti.
«Kameraldyq baqylaý túsinigin engizý arqyly biz memlekettik satyp alýlar saıtyn únemi baqylaýda ustap turýǵa múmkindik alamyz. Onda jónsiz talaptardy qoıý, konkýrstyq qujattardy belgili bir kompanııanyń múmkindikterine saı shaqtaý faktileri qatań shekteletin bolady», - dep atap ótti R.Beketaev.
Onyń aıtýynsha, jemqorlyq faktilerine baılanysty bul salada baqylaý kúsheıtiletin bolady.
«Árıne, qatańdatý sharalary bolady. Biraq maqsatymyz adamdardy jazalaý emes, osyndaı zań buzýshylyqtardyń aldyn alý, olardy iske asyrýǵa múmkindik bermeý. Memlekettik satyp alýlarda jemqorlyq faktileri baryn jasyrmaımyz, ondaı úlken daýlar búkil álemde bar. Biz ózge memleketterdiń úzdik tájirıbelerin qarap, ózimizde ony engizetin bolamyz. Biz memlekettik satyp alýlar salasynyń jumysyn qanshalyqty qatańdatý múmkin bolsa, sonshalyqty qatańdata bermekpiz», - dedi ol.
