Memlekettik satyp alýǵa ózgerister engizý máselesi qarastyrylyp jatyr – Baýyrjan Smaǵulov

ASTANA. QazAqparat – Memlekettik satyp alýǵa ózgerister engizý máselesi qarastyrylyp jatyr. Bul týraly Májilis depýtaty Baýyrjan Smaǵulov aıtty, dep habarlaıdy QazAqparat tilshisi.

«Amanat partııasy tarıfterdiń ashyqtyǵy úshin kúresedi. Biz energııa óndiretin stansalarda tarıftiń qalaı qalyptasatyndyǵyn, ol sýbektilerge deıin ne halyqqa deıin qalaı tasymaldanatyndyǵyn qaraıtyn bolamyz», - dedi Baýyrjan Smaǵulov Jibek Joly telearnasynyń Májilistegi mobıldi stýdııasynda.

Onyń atap ótýinshe, memleket pen menshik ıesi salǵan sýbsıdııa men ınvestıtsııa sheshim qabyldaý barysynda eskerilýi tıis.

«Barlyǵy da eskerilip, baqylanýy tıis. Bul Energetıka mınıstrligine qarasty Atom jáne energetıkalyq qadaǵalaý jáne baqylaý komıtetiniń quziretine kiredi. Aldaǵy jylý maýsymyna daıyndyq osy maýsym aıaqtalǵannan keıin birden bastalýy tıis. Sondyqtan úzilis degen bolmaıdy. Daıyndyqty neǵurlym erte bastasa, soǵurlym jaqsy. Synı sátter bolǵan kezde olardy qalaı tezirek jáne qandaı merzimde joıýǵa bolatyndyǵyn aldyn ala oılastyrǵan jón. Eń mańyzdy dúnıege nazar aýdarý qajet. Ol – jylý jelileri. Eger stansa jylý men elektr energııasyn jaqsy óndirip turǵanymen jylý jelileri daıyn bolýy tıis», - dedi ol.

Baýyrjan Smaǵulov barlyq konkýrstyq rásimdi ol uzaqqa sozylyp ketpeýi úshin aldyn ala qarastyrý qajettigin basa aıtty.

«Memlekettik satyp alýǵa ózgerister engiziletin bolady. Bul másele qazirgi ýaqytta qaraý satysynda tur», - dedi Májilis depýtaty.