Memlekettik satyp alýǵa qatysty ister sany ósip otyr - BQO mamandandyrylǵan aýdanaralyq ekonomıkalyq soty
ORAL. 7 aqpan. QazAqparat - BQO mamandandyrylǵan aýdanaralyq ekonomıkalyq sotyna ótken jyly 2627 talaparyz túsip, sonyń 2076-sy boıynsha óndirisi aıaqtalǵan.
Sot tóraǵasy Samat Januzaqovtyń aıtýynsha, sonyń ishinde 1620 azamattyq is boıynsha sheshim shyǵarylǵan. Ótken jyly memlekettik satyp alýǵa qatysty ister sany ósip, 2011 jylǵy 419-dan 572-ge jetken. Apellıatsııalyq tártippen 363 sheshim qaralǵan. Kúshi joıylǵan jáne ózgertilgen sot aktileriniń úlesi 3,6 paıyzdy qurady.
Sot sheshimderi boıynsha 414,9 mln. astam teńge óndirilse, 69,5 mln. teńge memleket paıdasyna tólendi.
