Memlekettik satyp alýdyń jańa talaptary jarııa etildi
ASTANA. QazAqparat - 2019 jyldyń 1 qańtarynan bastap «Qazaqstan Respýblıkasynyń keıbir zańnamalyq aktilerine memlekettik satyp alýlar jáne kvazımemlekettik sektor nysandaryn satyp alý máseleleri jóninde ózgerister engizý týraly» zań kúshine enedi, dep habarlaıdy QazAqparat.
Memlekettik satyp alý veb-portaly atalmysh qujattaǵy jańa talaptardy jarııa etti. Zańdaǵy eń negizgi jańalyq - memlekettik satyp alýlar veb-portalyn paıdalanýdyń aqyly túrge aýysýy. 2019 jylǵy 1 qańtardan bastap memlekettik satyp alýlar veb-portalyn paıdalaný (portalǵa kirý) qyzmetin áleýetti jetkizýshi aqyly negizde kórsetedi.
Osyǵan baılanysty, memlekettik satyp alýlar veb-portalyna kirýdi áleýetti jetkizýshi tıisti shart jasalyp, qyzmetterdiń aqysy tólengen soń qamtamasyz etedi.
Sonymen qatar, qyzmettiń quny ótinishtiń eń joǵary quny (qatysý úshin jetkizýshi tańdaǵan lottardyń josparly somasynan) nemese jasalyp otyrǵan shart (sharttyń josparly somasynan) negizinde jasalady, shekteý árbir ótinishke jáne shartqa jeke qoldanylady (tólengen kezeń barysynda beriletin ótinishter men sharttardyń sany shektelmeıdi). Qyzmetke jylyna bir ret tólenedi.
«Elektrondyq kommertsııa ortalyǵy» AQ aqsha aýdarý arqyly tóleý úshin rekvızıtterin usyndy.
Qyzmet kórsetýdi meılinshe beıimdirek etý úshin memlekettik satyp alýlar veb-portalyndaǵy jeke kabınetterde «elektrondy ámııan» ashylyp, oǵan aqshalaı qarajattar aýdarylady, osy ámııannan qyzmetterge aqy tóleýge bolady.
Eske sala ketsek, QR Prezıdenti Nursultan Nazarbaev 27 jeltoqsanda memlekettik satyp alýlardy jetildirýge baǵyttalǵan zańǵa qol qoıdy. Al, QR Qarjy mınıstrligi atalmysh qujatqa qandaı tolyqtyrýlar engizilgenin túsindirip bergen edi.
