Memlekettik satyp alýdyń elektrondy túrin engizgen Qazaqstan bıznestiń batystyq úlgisine jaqyndady
ASTANA. Maýsymnyń 14-i. QazAqparat - Saksonııa jeriniń Qazaqstandaǵy saýda elshiliginiń ókili Genrıh Vıtter memlekettik satyp alýdyń elektrondy júıesin engizý «Qazaqstandy bıznestiń batystyq úlgisine barynsha jaqyndatty» degen pikirde.
«Men bul baǵyt aldaǵy ýaqytta damı túsedi dep oılaımyn», - dedi nemis sarapshysy.
Germanııada memlekettik satyp alýdyń 90 paıyzy elektrondy túrde júzege asady.
G.Vıtterdiń oıynsha, osyndaı elektrondy saýdalar áldeqaıda ashyq jáne transparentti.
