Memlekettik satyp alýdaǵy jemqorlyq jasandy ıntellekt arqyly anyqtalmaq
Taraptar elimizde júrgizilip jatqan sybaılas jemqorlyqqa qarsy reformalardy jáne AQSh-tyń sybaılas jemqorlyqqa qarsy is-qımyl máselelerine kómek kórsetý baǵdarlamalaryn talqylady.
Agenttik basshysy 2022-2026 jyldarǵa arnalǵan sybaılas jemqorlyqqa qarsy saıasat Tujyrymdamasynda belgilengen basymdyqtarǵa egjeı-tegjeıli toqtaldy.
Óz kezeginde AQSh dıplomaty Agenttiktiń ashyqtyǵyn atap ótip, yntymaqtastyqty kúsheıtýge daıyn ekendigin bildirdi.
Taraptar memlekettik satyp alýlardaǵy sybaılas jemqorlyqty anyqtaý úshin jasandy ıntellekt júıelerin ázirleý jáne sybaılas jemqorlyqqa qarsy jańa tetikterdi ázirleý máselelerin talqylady.
Ótken jyly qabyldanǵan sybaılas jemqorlyqqa qarsy kúresti AQSh-tyń Ulttyq qaýipsizdigi men sybaılas jemqorlyqqa qarsy kúres strategııasynyń negizgi múddeleriniń biri dep taný týraly Memorandýmdy eskere otyryp, amerıkalyq tarap Qazaqstandaǵy osy baǵyttaǵy reformalarǵa járdemdesýge daıyn ekenin bildirdi.
Kezdesý sońynda taraptar ekijaqty yntymaqtastyqty odan ári nyǵaıtýǵa kelisti. Bul jumystyń mańyzdy quramdas bóligi aǵymdaǵy jyldyń mamyr aıynan bastap Agenttik qyzmetkerlerin oqytýdy qamtıtyn eki jyldyq jobany iske asyrý bolady.