Memlekettik satyp alýdaǵy jemqorlyq: Bıýdjetke 669 mln teńge shyǵyn keltirgen 19 adam sottaldy
«Memlekettik satyp alý salasynda eskertý jumystary qalaı júrgiziledi? Qansha qarajatty únemdep qaldyq? Mamyr aıynyń basyna deıin 2 mlrd 800 mln teńge qarajatty únemdep qaldyq. Bul somanyń bir bóligi bıýdjetke qaıtaryldy, bir bóligine basqa da satyp alý júrgizildi», - dedi Sybaılas jemqorlyqqa qarsy is-qımyl agenttiginiń preventsııa departamentiniń sybaılas jemqorlyqqa qarsy departamentiniń basqarmasy basshysy Danııar ıAkýpov agenttikte ótken onlaın rejımdegi baspasóz máslıhatynda.
Agenttik ókiliniń aıtýynsha, osy jyldyń birinshi toqsanynyń qorytyndysy boıynsha memlekettik satyp alý salasyndaǵy 19 adam sottalǵan. Olardyń is-áreketteriniń saldary 669 mln teńgelik shyǵyn keltirgen.
«Mysal retinde aıta keteıin, bıyl sáýir aıynda Almaty oblysynyń sybaılas jemqorlyqqa qarsy qyzmetiniń mamandary 247 mln teńgeni únemdep qaldy. Osy somanyń 163 mln teńgesi bir tapsyrys berýshige qatysty. Ol – І.Jansúgirov atyndaǵy memlekettik ýnıversıtet. Sonymen qatar Túrkistan oblysyndaǵy departament negizgi kelisimge tirkelgen qosymsha kelisimdi bekitý isin shektep, kelisim boıynsha somany 32 mln teńgeden 35 mln teńgege arttyrýǵa jol bermedi. Ol qosymsha kelisimdi Kentaý qalalyq TÚKSh jáne turǵyn úı ınspektsııasy jasamaq bolǵan», - dedi ol.
Eske sala ketsek, Danııar ıAkýpov buǵan deıin 2019 jyldyń qorytyndysy boıynsha Qazaqstanda jasalǵan jemqorlyqqa qatysty qylmystyń árbir jetinshisi - memlekettik satyp alý salasyna qatysty bolǵanyn málim etken edi.