Memlekettik satyp alýdaǵy elektrondyq aýktsıon 2012 jyldyń 1 shildesinen bastap engiziledi- Zań jobasy
ASTANA. 21 jeltoqsan. QazAqparat /Qanat Mámetqazyuly/ - Búgin QR Parlamenti Senatynyń jalpy otyrysynda «Qazaqstan Respýblıkasynyń keıbir zańnamalyq aktilerine memlekettik satyp alý máseleleri boıynsha ózgerister men tolyqtyrýlar engizý týraly» týraly zań jobasy maquldandy.
Atalǵan zań jobasynyń negizgi maqsaty memlekettik satyp alý salasyndaǵy zańnamany jetildirý, ony Biryńǵaı ekonomıkalyq keńistiginiń quqyqtyq bazasyn qalyptastyrý sheńberinde jasalǵan Memlekettik (mýnıtsıpaldyq) satyp alý týraly kelisimge sáıkes keltirý bolyp tabylady.
Zań jobasynyń normasy memlekettik satyp alýǵa tapsyrys berýshileriń jáne ony uıymdastyrýshylardyń qyzmetin ońaılatýǵa baǵyttalǵan. Qujat memlekettik satyp alý salasynda básekeni keńeıtý jáne teris paıdalanýshylyqty boldyrmaýǵa yqtımal etetin bolady.
Budan bólek, Qarjy mınıstri Bolat Jámishevtyń aıtýynsha, quqyq qoldaný praktıkasyn taldaý nátıjeleri men quqyqtyq monıtorıng qorytyndylary elektrondyq memlekettik satyp alýdyń tıimdiligin kórsetken. Osy másele eskerile otyryp, zań jobasymen memlekettik satyp alýdyń tásilderin elektrondyq formatta júrgizý usynylady. Osy maqsatta Biryńǵaı ekonomıkalyq keńistiginiń quqyqtyq bazasyn qalyptastyrý sheńberinde memlekettik satyp alý týraly kelisimge sáıkes keltirý úshin memlekettik satyp alýdy júzege asyrýdyń jańa tásili - elektrondyq aýktsıonnyń engizilýine baılanysty týyndaǵan aýktsıon, aýktsıondyq komıssııa, aýktsıon qadamy, aýktsıondyq qujattama jáne elektrondyq qujat sııaqty jańa uǵymdar engiziledi.
Bul rette zań jobasy kelisimde kózdelgen memlekettik satyp alýdy júzege asyrýdyń negizgi tásili retindegi elektrondyq aýktsıondy 2012 jyldyń 1 shldesinen bastap engizý kózdeledi. Sonymen qatar, bul tásilmen jalpy jyldyq somasy tıisti qarjy jylyna respýblıkalyq bıýdjet týraly zańmen belgilengen aılyq eseptik kórsetkishtiń 4 myń eselengen mólsherinen asyp túsetin taýarlar ǵana satyp alynatyn bolady. Budan bólek, quqyq qoldaný praktıkasynyń nátıjeleri boıynsha zańnamany jetildirý maqsatynda zań jobasymen elektrondyq konkýrs tásilimen memlekettik satyp alýdy júrgizý merzimin qysqartý usynylady, atap aıtqanda bul merzim 52 kúnnen 28 kúnge deıin qysqartylady.
