Memlekettik satyp alýda zań buzýshylyqtarǵa kóz juma qaraý qalypty jaǵdaıǵa aınalǵan – SQO memlekettik qyzmetshi
Memlekettik qyzmet isteri agenttiginiń SQO boıynsha departamenti basshysynyń orynbasary Janat Jumabaevtyń aıtýynsha, memlekettik satyp alýda zańbuzýshylyqtar kóp kezdesedi. Olardy elemeý memlekettik qyzmetshiler arasynda qalypty jaǵdaıǵa aınalyp barady.
«Memlekettik organdardyń jetekshileri atqarylǵan jumystyń nemese qyzmettiń aktisine qol qoıady. Alaıda onyń istelgen-istelmegeni tekserilmeıdi, merdigerlerge aqsha aýdarylady. Bul – memlekettik qyzmetshiniń atyna kir keltiretin qylyq. Ol osylaısha jeke jáne zańdy tulǵalarǵa erekshe yqylas kórsetip, artyqshylyq berip, Ádep Kodeksiniń normalaryn buzady», - deıdi memlekettik qyzmetshi.
Memlekettik organdardyń jetekshileri memlekettik satyp alýda jiberetin olqylyqtaryn óz «qorqynyshtarymen» baılanystyrǵan. ıAǵnı bıýdjetten bólinetin aqsha ýaqytynda ıgerilmeı qalýy múmkin.
«Sońyna deıin tolyq bitpegen jumysty nemese qyzmetti qabyldaı otyra olar bar jaýapkershilikti ózderine alatynyn, saldarynan zań boıynsha jaýap beretinderin túsinbeıdi», - deıdi Janat Jumabaev.
Memlekettik qyzmetshilerdiń jumys ýaqytynan tys isteletin jumysqa tartylmaýy da departament pen Ádep jónindegi keńestiń baqylaýynda.
Byltyr keńes músheleri qoǵam ókilderimen birge 21 memlekettik organǵa 4 reıd uıymdastyrǵan.
«Ruqsatty baqylaý jáne basqarý júıesiniń jumysyn saraptaý arqyly memlekettik qyzmetshilerdi qosymsha jumysqa salý derekteriniń azaıǵanyn kóremiz. Qazir mundaı qondyrǵy oblys ákimi apparatynda, 13 oblystyq basqarmada, Petropavl ákimdigi men 11 aýdan ákimdigi apparattarynda bar. Jalpy 40 memlekettik jáne 7 aýmaqtyq memlekettik organ qamtylǵan. Al 10 atqarýshy memlekettik organ ıkemdi jumys kestesine kóshti», - deıdi Memlekettik qyzmet isteri agenttiginiń SQO boıynsha departamenti basshysynyń orynbasary Janat Jumabaev.