Memlekettik satyp alý júıesinde «elektrondy dúken» iske qosylady

NUR-SULTAN. QazAqparat - Qarjy mınıstri Erulan Jamaýbaev elimizde memlekettik satyp alýdyń barlyq protsesi avtomattandyrylǵanyn málim etti, dep habarlaıdy QazAqparat tilshisi.

«Memlekettik satyp alý kólemi 3% artyp, 3,9 trln teńgeden astam somany qurady. Aldaǵy ýaqytta bir kózden satyp alý protsesin qysqartyp, 1 kún ishinde taýarlardy básekelestik negizde satyp alýǵa múmkindik beretin «elektrondy dúken» iske qosylady dep kútilýde. Sonymen qatar «elektrondy depozıtarıı» qurylady. Ol adam faktory men sybaılas jemqorlyq táýekelderin qospaǵanda áleýetti ónim berýshilerdiń jumys tájirıbesin avtomatty túrde esepteýge múmkindik beredi», - dedi Erulan Jamaýbaev búgin Ortalyq kommýnıkatsııalar qyzmeti alańynda halyqqa onlaın esep berý kezinde.

Sonymen qatar mınıstrdiń aıtýynsha, memlekettik satyp alý protsesinde baldyq-reıtıngtik júıeni engizý josparlanýda. Bul rette, veb-portal ónim berýshilerge baǵa jáne sapalyq ólshemsharttardy eskere otyryp, tıisti reıtıngti avtomatty túrde beretin bolady.