Memlekettik satyp alý úderisi tolyq avtomattandyrylady - Qarjy mınıstrligi
ASTANA. 11 qarasha. QazAqparat - Memlekettik satyp alý úderisi tolyq avtomattandyrylady. Bul týraly búgin Parlament Májilisinde «Qazaqstan Respýblıkasynyń keıbir zańnamalyq aktilerine memlekettik satyp alý máseleleri boıynsha ózgerister men tolyqtyrýlar engizý týraly» zań jobasynyń tanystyrylymy barysynda málim boldy.
Zań jobasymen tanystyrǵan QR Qarjy vıtse-mınıstri Berik Sholpanqulovtyń aıtýynsha, memlekettik satyp alýlar máselesin jetildirý maqsatynda mundaı úderisti tolyq avtomattandyrýǵa kóshý qarastyrylyp otyr.
«Atap aıtqanda, zań jobasymen memlekettik satyp alý veb-portalyna qatysýshylarǵa elektrondyq shart jasasýǵa múmkindik berý kózdeledi. Osyǵan baılanysty, zań jobasymen «elektrondyq shart» degen jańa uǵym engiziledi. Sonymen qatar, is-sharalar jospary aıasynda elektrondyq baıqaýǵa qatysýǵa beriletin ótinimderdi ashý úderisi, aýktsıondy júrgizý hattamasyn tolyq avtomattandyrý josparlanyp otyr», - deıdi vıtse-mınıstr B.Sholpanqulov.
