Memlekettik satyp alý salasyndaǵy zań buzýshylyqtar eki esege artqan
ASTANA. QazAqparat - Memlekettik satyp alý salasynda zań buzýshylyqtar eki esege artqan. Bul týraly «Atameken» UKP janyndaǵy kásipkerler quqyǵyn qorǵaý jáne sybaılas jemqorlyqqa qarsy is-qımyl jónindegi keńes tóraǵasy Qaıyrbek Súleımenov málim etti, dep habarlaıdy QazAqparat tilshisi.
«Ótken jyly keńeste memlekettik satyp alý salasyndaǵy sybaılas jemqorlyq máselesi qaraldy. Onda bızneske keri áserin tıgizetin jemqorlyqtyń júıeli túrdegi alǵysharttary belgilendi. Ókinishke qaraı, zań buzýshylyqtar áli de jalǵasýda. Ústimizdegi jyldyń 8 aıynda memlekettik satyp alý boıynsha qylmystyq quqyq buzýshylyq ótken jylmen salystyrǵanda, 2 esege artqan, 2017 jyldy tolyq alǵanda bundaı kólemde quqyqbuzýshylyq tirkelmegen», - dedi Qaıyrbek Súleımenov.
Atap aıtsaq, 2017 jyly 61 adam, al osy jyldyń 8 aıynda 267 adam memlekettik satyp alý salasynda qylmystyq jaýapkershilikke tartylǵan.
«Qazirgi ýaqytta Parlamentte memlekettik satyp alý salasynda jemqorlyqty belgili bir kólemde azaıtýǵa baǵyttalǵan zań jobasy qaralýda», - dedi ol.
Buǵan deıin habarlaǵanymyzdaı, búgin «Atameken» UKP keńesinde elimizdegi 7 birdeı vaktsına jetkizýshi kompanııanyń máselesi qaralǵan bolatyn. Atalǵan otyrysta memlekettik satyp alý salasyndaǵy zań buzýshylyqtar da sóz boldy.
