Memlekettik satyp alý salasynda memlekettik tilge qatysty talaptar oryndalmaıdy deý jańsaq pikir - ınternet-konferentsııa
ASTANA. Mamyrdyń 24-i. QazAqparat /Aıdar Ospanalıev/ - Memlekettik satyp alýlar salasyndaǵy memlekettik tilge qatysty talaptardyń oryndalýy tapsyrys berýshiniń tikeleı mindeti.
Ol memlekettik satyp alýlarǵa qatysty málimetterdi memlekettik jáne orys tilderinde birdeı ornalastyrýy qajet. Bul týraly búgin V-news portaly arqyly ótken ınternet-konferentsııa barysynda «Elektrondy kommertsııa ortalyǵy» jaýapkershiligi shekteýli seriktestiginiń Basqarma tóraǵasy Sultanjan Ahmetov málim etti, dep habarlaıdy QazAqparat.
Onyń sózine qaraǵanda, memlekettik satyp alýlarǵa qatysty memlekettik tilge qoıylatyn talaptardyń oryndalýy úshin barlyq sharalar júzege asyrylýda. Biz osy ýaqytta memlekettik satyp alýlarǵa qatysty málimetter jarııalanatyn portaldaǵy derekterdiń barlyǵyn memlekettik tilge aýdardyq. Portaldyń ınterfeısi, barlyq normatıvti aktiler tolyq qazaq tiline aýdarylǵan. Sondyqtan memlekettik satyp alýǵa qatysty málimetter tek qana orys tilinde jazylǵan deý jańsaq pikir», dedi S.Ahmetov.
