Memlekettik satyp alý rásimin ótkizý kezinde 11 myńnan astam zańbuzýshylyq jasalǵan
NUR-SULTAN. Qaz-Aqparat – Memlekettik satyp alý rásimderin tekserý kezinde 11,5 myń buzýshylyq anyqtaldy. Bul týraly Úkimet otyrysynda QR Qarjy mınıstri Erlan Jamaýbaev aıtty, dep habarlaıdy QazAqparat tilshisi.
«Bıyl tórt aıdyń ishinde kameraldyq baqylaýmen somasy 3,5 trln teńgege 395 myń memlekettik satyp alý rásimi qamtyldy. Tekserý qorytyndysy boıynsha 11,5 myń buzýshylyq anyqtaldy. Memlekettik aýdıt obektileri kemshilikterdi joıý jóninde 11 myńǵa jýyq habarlamany oryndady», - deıdi Erlan Jamaýbaev.
Onyń aıtýynsha, myńnan astam aýdıtorlyq is-shara ótkizildi.
«Aýdıtpen 604 mlrd teńge bıýdjet qarajaty qamtyldy. 60 mlrd teńge somasynda qarjylyq buzýshylyqtar anyqtaldy. Taýarlardy jetkizý men qyzmetti kórsetýmen jáne jumystardy oryndaý men qalpyna keltirý bıýdjetke óteý jáne esepke alý boıynsha kórsetý jolymen 44 mlrd teńgege buzýshylyq joıyldy. Aýdıt obektileri qyzmeti tıimdiligin jetildirý jáne anyqtaý úshin 947 usynym berildi», - deıdi ol.
