Memlekettik satyp alý qaǵıdasyna ózgertýler engiziledi

NUR-SULTAN. QazAqparat – QR Qarjy mınıstriniń buıryǵymen memlekettik satyp alýdy júzege asyrý ózgerister men tolyqtyrýlar engiziledi, dep habarlaıdy QazAqparat.

Sonymen jańa túzetýlerge sáıkes, eger áleýetti ónim berýshiniń bas merdiger (jobalaýshy) retinde jumys tájirıbesi bolǵan jaǵdaıda, konkýrstyq komıssııa satyp alynatyn jumystar naryǵynda áleýetti ónim berýshiniń tájirıbesi bolýynyń árbir jyly úshin, onyń ishinde konkýrs máni bolyp tabylatyn jumystardyń osyndaı (uqsas) túrleri boıynsha bir paıyz (1 %) mólsherinde shartty jeńildik beredi.

Eger áleýetti ónim berýshiniń qosalqy merdiger (qosalqy jobalaýshy) retinde jumys tájirıbesi bolǵan jaǵdaıda, konkýrstyq komıssııa satyp alynatyn jumystar naryǵynda áleýetti ónim berýshiniń tájirıbesi bolýynyń árbir jyly úshin, onyń ishinde konkýrs nysanasy bolyp tabylatyn jumystardyń osyndaı (uqsas) túrleri boıynsha nól bútin onnan bes paıyz (0,5 %) mólsherinde shartty jeńildik usynylady.

Eger bir jyldyń ishinde áleýetti ónim berýshi konkýrsta satyp alynatyn, onyń ishinde bireýden artyq qurylys obektisinde osyndaı (uqsas) jumys túrleri boıynsha jumystardy oryndaǵan jaǵdaıda, konkýrstyq komıssııa kelesi árbir qurylys obektisi úshin nól bútin onnan eki paıyz (0,2 %) mólsherinde shartty jeńildik beredi. Eger bul jumystardy áleýetti ónim berýshi qosalqy merdiger (qosalqy jobalaýshy) retinde oryndasa, konkýrstyq komıssııa kelesi árbir qurylys obektisi úshin nól bútin onnan bir paıyz (0,1 %) mólsherinde shartty jeńildik bolady.