Memlekettik satyp alý barysyndaǵy alaıaqtyqtyń jańa túri anyqtaldy

ASTANA. QazAqparat Memlekettik satyp alý barysyndaǵy alaıaqtyq qýlyq anyqtaldy.  Bul týraly búgin Memlekettik qyzmet isteri jáne sybaılas jemqorlyqqa qarsy is-qımyl agenttigi Jemqorlyqqa qarsy saıasat departamentiniń dırektory Danııar Sabırbaev málim etti, dep habarlaıdy QazAqparat tilshisi.

«Memlekettik satyp alýlar barysynda básekelestikti aıtarlyqtaı shekteıtin jemqorlyq táýekelderdiń biri habarlandyrýdaǵy mátindi kırıllıtsadan latynǵa aýystyrý bolyp otyr. Mundaı qýlyq habarlandyrýdy áleýetti jetkizýshiden jasyryp, affılırlengen kompanııalar úshin basymdyq jasaýǵa múmkindik beredi», - dedi ol.

Onyń aıtýynsha, agenttik bólimshesi memlekettik organdardyń atalǵan syzbanyń qoldanylýyna qatysty monıtorıng júrgizgen.

«Nátıjesinde 2017 jyldyń ishinde mundaı 400-den astam fakti anyqtaldy. Atalǵan másele tóńireginde qoǵamdyq rezonans týdyrý básekege shekteý qoıýǵa jol bermeý úshin laıyqty tetik bolady dep oılaımyz», - dedi departament basshysy.

Danııar Sabırbaevtyń sózine qaraǵanda, mundaı qýlyqqa barǵan memlekettik organdardyń birinshi basshylarynyń tártiptiń jaýapkershiligi oblystardyń ádep keńesinde jáne agenttiktiń ádep jónindegi komıssııasynda qaralatyn bolady.