Memlekettik satyp alý baǵasyn ósirýde aldyńǵy oryndaǵy turǵan óńirler ataldy
Erbol Óstemirov Sybaılas jemqorlyqqa qarsy is-qımyl agenttigi men «Atameken» UKP-nyń jemqorlyqqa qarsy birlese kúres júrizý jumysynyń nátıjesi týraly aıta otyryp, palata ókili ártúrli organnyń memlekettik satyp alý baǵasyn ósirip jiberetin jaǵdaılar kezdesetinin aıtady.
«Óńirlerdegi málimetti keltirer bolsaq, ósirilgen baǵa boıynsha óńirlerdiń aldyńǵy qatarynda Mańǵystaý oblysy, ekinshi orynda Soltústik Qazaqstan, úshinshi orynda Atyraý oblysy tur. Tizimniń eń sońǵy oryndarynan Shymkent qalasyn, Túrkistan men Almaty oblysyn kórýge bolady», - deıdi Erbol Óstemirov agentiktiń Facebook-tegi paraqshasynda bergen suhbatynda.
Onyń aıtýyna qaraǵanda qazirgi júıede memlekettik satyp alýlardyń baǵasyn ósirýge múmkindik beretin qaýipter bar.
«Júıe olardyń baǵany ósiretinin kórsetedi», - deıdi Erbol Óstemirov.
Onyń aıtýynsha, keı jaǵdaıda memlekettik satyp alýdyń baǵasynyń ósirilgeni týraly kúdik-kúmán rastalmaı jatady.
«Bizdegi júıe bir ret bir kompıýterdiń baǵasy 1 mln teńgege satylyp alynǵanyn kórsetti. Birden kúmán týdyrarlyq jaǵdaı. Sebebi biz kompıýterdiń ary ketse 200 myń teńgege shyǵatynyn bilemiz. Ary ketse 50 myń teńge qosylady. Keıin jaǵdaıdy zertteý barysynda bul kompıýterlerdiń estý kemistigi bar adamdarǵa arnalǵanyn, olarǵa ózindik ereksheligi bar kompıýter kerektigin túsindik. Bul jaǵdaıda máseleniń negizi bary aıqyndaldy», - dep qosty ol.