Memlekettik satyp alý: 155 mlrd teńgege qarjylyq buzýshylyqtar anyqtaldy

NUR-SULTAN. QazAqparat – Memlekettik satyp alý baǵytynda júrgizilgen kameraldyq baqylaý kezinde 32,4 myń rásim boıynsha buzýshylyqtar anyqtaldy. QR Qarjy mınıstri Erulan Jamaýbaev Úkimet otyrysynda osyndaı derek usyndy, dep habarlaıdy QazAqparat tilshisi.

«Bıylǵy 9 aıdyń ishinde 5,7 trln teńgeniń 675 myńnan asa memlekettik satyp alý rásimi kameraldyq baqylaýmen qamtyldy. Tekserýler qorytyndysynda 32,4 myń rásim boıynsha buzýshylyqtar anyqtalyp, olardy joıý týraly jiberilgen habarlamanyń 98% oryndaldy.

Aýdıtorlyq is-sharamen 1 trln 671 mlrd teńgeniń bıýdjet qarajaty qamtylyp, 155 mlrd teńge somasyna qarjylyq buzýshylyqtar anyqtaldy», - dedi mınıstr.

Sondaı-aq, ol taýar jetkizý, qyzmet kórsetý jáne oryndalǵan jumystardy qalpyna keltirý boıynsha 123 mlrd teńgeniń zańsyzdyǵy joıylǵanyn atady.

«Aýdıt obektileriniń qyzmetin jetildirý jáne tıimdiligin arttyrý úshin 2 myńnan asa usynym berildi», - deıi Erulan Jamaýbaev.