Memlekettik saqtandyrý qorynan jalǵan anyqtamamen kóp mólsherde tólemaqy alǵan analar anyqtaldy
ASTANA. Qyrkúıektiń 23-i. QazAqparat /Ernur Aqanbaı/ - Elimizdiń prokýratýra organdary Memlekettik saqtandyrý qorynan júktiligine jáne bala týýyna baılanysty beriletin tólemderdiń zańdylyǵyn tekserý nátıjesinde kóptegen alaıaqtyq faktilerdi anyqtady. Bul týraly búgin Astanadaǵy aptalyq brıfıngte Bas prokýratýranyń resmı ókili Jandos Ómirálıev aıtty.
Onyń sózine qaraǵanda, máselen Almaty qalalyq prokýratýrasy 4 mln. teńgeden astam tólemaqyny zańsyz alý faktisi boıynsha qylmystyq is qozǵaǵan. Osy somany alý úshin bir áıel 1 mln. 100 myń teńgeden astam mólsherde jalaqy alatyndyǵy týraly jalǵan anyqtamany paıdalanǵan. Osyǵan uqsas faktiler Shyǵys Qazaqstan, Batys Qazaqstan, Jambyl jáne Qaraǵandy oblystarynda da anyqtalǵan.
«Qazirgi tańda 7 mln. teńgeden astam somaǵa keltirilgen zııan boıynsha 9 qylmystyq is qozǵaldy. Budan basqa, qylmystyq qýdalaý organdaryna protsessýaldyq sheshimder qabyldaý úshin 36 mln. teńgeden astam somaǵa 53 qujat jiberildi, buzylǵan zańdylyqty joıý týraly 17 usynys engizildi», dedi resmı ókil.
