Memlekettik saqtandyrý korporatsııasy eksporttyq kredıtterdi tıimdi saqtandyrýdy qamtamasyz etpeı otyr

"2003 jyly memlekettik korporatsııanyń jarǵylyq kapıtalyn qalyptastyrýǵa respýblıkalyq bıýdjetten 7,7 mlrd. teńge bólindi. Bul soma saqtandyrý jáne qaıta saqtandyrý qyzmetin júzege asyrýǵa qajetti jarǵylyq kapıtaldyń eń tómengi mólsheriniń normatıvinen 7,7 ese kóp. Bul rette memlekettik korporatsııanyń basshylyǵy Qazaqstannyń saqtandyrý naryǵynda kompanııanyń jetekshi rólin qamtamasyz etpegen", dep habarlady Respýblıkalyq bıýdjettiń atqarylýyn baqylaý jónindegi Esep komıtetiniń baspasóz qyzmeti.

Memlekettik korporatsııanyń aktıvteriniń úlesi respýblıkanyń saqtandyrý kompanııalary aktıvteriniń jıyntyq kóleminde tek qana 3% qurap otyr. Memlekettik korporatsııanyń aktıvteriniń quny 5 jylda 9,7% ósken bolsa, al dál osy ýaqytta basqa saqtandyrý kompanııalarynyń aktıvteriniń quny 5,6 ese artqan. Budan basqa memlekettik korporatsııanyń tapqan saqtandyrý syıaqysynyń somasyn paıdalanyp otyrǵan aktıvteriniń qunyna shaqqanda 2006 jyly 1,6%, 2009 jyly 3% deńgeıinde boldy. Basqa saqtandyrý kompanııalary boıynsha bul kórsetkish 25,8%-dan 93,3%-ǵa deıin qurady.

2007-2009 jyldary memlekettik korporatsııanyń eksportty jáne ınvestıtsııalardy saqtandyrý jónindegi kórsetkishteri tómendegen. Máselen, 2004-2006 jyldary 20,2 mlrd. teńgege 106 shart jasalǵan bolsa, 2007-2009 jyldary 20,5 mlrd. teńgege 35 shart jasalǵan.

Memlekettik korporatsııanyń saqtandyrý qorjynynda jarǵy boıynsha basym emes saqtandyrý túrleri 74,4-82,4%-dy quraıdy. Respýblıkanyń shıkizattyq emes eksportynyń jalpy kóleminde eksport boıynsha qabyldanǵan saqtandyrý mindettemeleriniń úlesi 2007 jyly - 0,15%, 2008 jyly - 0,45%, 2009 jyly 0,51% qurady. Qazaqstandyq kompanııalardyń shetelge ınvestıtsııalarynyń jıyntyq kóleminde memlekettik korporatsııa saqtandyrǵan ınvestıtsııalardyń úles salmaǵy 0,06% - dan aspaıdy.

Memlekettik korporatsııanyń saqtandyrý qyzmetinen túsken memlekettik korporatsııanyń kiristeriniń úlesi onyń qyzmetiniń búkil kezeńinde 0,6-29,1% qurady. Kompanııa negizgi kirisin uzaq merzimdi memlekettik baǵaly qaǵazdarǵa ınvestıtsııa salýdan alyp otyr. Kýpondyq syıaqynyń kepildi somasy úsh jyldyń ishinde 1,1 mlrd. teńge bolyp memlekettik korporatsııanyń barlyq ınvestıtsııalyq qyzmetinen túsken kiristerdiń 58%-yn qurady.

Osyndaı qarjy operatsııalardyń nátıjesinde Úkimet memlekettik korporatsııadan syıaqy tóleı otyryp, budan buryn bıýdjetten bólingen karajatty qaryzǵa alady. Uzaq merzimdi memlekettik baǵaly qaǵazdarǵa ınvestıtsııa salý arqyly kepildi kiris alý memlekettik korporatsııany saqtandyrý qyzmetimen aınalysýǵa yntalandyrmaı otyr.

Esep komıteti Qarjy mınıstrligine kvazımemlekettik sektor sýbektileriniń arasynda memlekettik emıssııalyq baǵaly qaǵazdardyń ornalastyrylýyna, sondaı-aq olarǵa tólenetin syıaqylar boıynsha turaqty monıtorıng júrgizýdi qamtamasyz etýdi usyndy. «Samuryq-Qazyna» ulttyq ál-aýqat qory» AQ-na memlekettik korporatsııanyń jumys isteýiniń tıimdiligin zerdelep, memlekettik korporatsııanyń 2010-2013 jyldarǵa arnalǵan orta merzimdi josparlarynda taýarlardy jáne qyzmetterdi, sondaı-aq shetelge ınvestıtsııalardy eksporttaý kezindegi táýekelderdi saqtandyrýdyń naqty kórsetkishterin kórsetý jóninde usynystar berdi.