Memlekettik rezerv basshysy qamqorlyǵy úshin kásipkerden aqsha alǵan
UQK Qostanaı oblysy boıynsha departamenti sybaılas jemqorlyq faktisi boıynsha «Rezerv» ShJQ RMK basshysy B.Ońaıbaevty (TJM Memlekettik materıaldyq rezervter komıtetiniń vedomstvolyq baǵynysty uıymy) ustady.
Jedel tekserý barysynda onyń 2022 jyly mamyrda kásipkerdiń kommertsııalyq qyzmetine jalpy qamqorlyq jasaǵany úshin zańsyz aqshalaı syıaqy alýǵa qatysy bary anyqtaldy.
Qylmystyq istiń qatysýshysy deldal arqyly berilip otyrǵan zańsyz aqshalaı syılyqty alý kezinde astyrtyn áreket etýdiń joǵary sharalaryn qoldaǵany belgili boldy.
16 naýryzda sot sheshimimen B.Ońaıbaev memlekettik qyzmette eńbek etý quqyǵynan ómir boıyna aıyryldy jáne QR QK 366-baby 2-bóligi boıynsha 9 mln teńge aıyppul tóleıtin boldy.
Sondaı-aq, B.Ońaıbaev 2-sanatty (podpolkovnık áskerı ataǵyna teńestiriledi) qarjy polıtsııasy jáne ekonomıkalyq tergeý organdarynyń zeınetkeri biliktilik synybynan aıyryldy.
