Memlekettik retteý organdary naryqtaǵy usynys pen suranysqa naqty zertteý júrgizip jatqan joq - N. Burshaqbaev
ALMATY. 19 shilde. QazAqparat /Erlik Erjanuly/ - Baǵany retteýde memlekettik saıasat óz deńgeıinde júrgizilip jatqan joq.
Búgin Almatyda "Keden odaǵynyń shekarany ashýynyń yqpaly: oń jáne teris yqpaldastyq" degen taqyrypta ótken baspasóz máslıhatynda osyndaı pikir aıtyldy.
"Aýyl sharýashylyǵy ónimin óndirýshiler qazir óz taýarlaryn tutynýshyǵa tikeleı jetkize almaı otyr. Naryqta alypsatarlar ústemdik qurýda. Ondaǵy baǵany retteýde quzyrly organdar dármensizdik tanytýda", - deıdi "Qazaqstan keden deklaranttary odaǵy" qaýymdastyǵynyń prezıdenti Nurlan Burshaqbaev.
N. Rafıkulynyń aıtýynsha, jergilikti atqarý organdary ónim óndirýshilerge naqty qoldaý kórsetýdiń tetikterin tolyq paıdalana almaı otyr. Qajetti ınfraqurylym bolmaǵandyqtan, taýardyń ózindik quny men naryqtaǵy baǵasynyń arasyndaǵy alshaqtyq kemýdiń ornyna ýaqyt ótken saıyn ulǵaıa túsýde. Bul máseleniń óz sheshimin tabýyna quzyrly organdar jetkilikti deńgeıde áli kóńil bólmeı otyr. Suranys pen usynystyń arasyndaǵy aıyrmashylyq qazir qoldan jasalýda.
