«Memlekettik rámizdi qorlaǵan taýarlar kedennen qalaı ótken?!» - respýblıkalyq basylymdarǵa sholý

***

Dúnıejúzilik densaýlyq saqtaý uıymynyń málimetinshe, túrli aýrýlardan bolǵan adam óliminiń 60 paıyzy durys tamaqtanbaýdan týyndaıtyn kórinedi. Qant dıabeti, týberkýlez, osteoporoz sııaqty dertterdiń bári - aınalyp kelgende, durys tamaqtanbaýdan týyndaıtyn aýrýlar. Bul dertterdi durys tamaqtaný arqyly joıýǵa bolady. Bul týraly «Alash aınasy» gazetiniń «Dat» aıdarynda basylǵan Qazaq taǵamtaný akademııasynyń prezıdenti Tóregeldi Sharmanovpen aradaǵy suhbattan egjeı-tegjeıli oqı alasyzdar. Ekeýara áńgime «Adam óliminiń 60 paıyzy durys tamaqtanbaýdan týyndaıdy» degen taqyryppen berilgen.

Siz estidińiz be? Amerıkalyq áskerler qazaq tilin meńgermek. Bul jaǵymdy aqparatty «Alash aınasy» gazeti taratyp otyr. «AQSh Áskerı áýe kúshteri qolbasshylyǵy álem tilderin meńgeremin degen áskerı qyzmetkerlerine qarjylaı ótemaqy tóleýge ázir. Amerıkan áskerıleri úırenýi tıis tilderdiń arasynda qazaq tili de bar», dep jazady basylym.

«Qaraǵandynyń kıim-keshek satylatyn ortalyq bazarynda elimizdiń týynyń kishkentaı kóshirmesindeı, erlerdiń ishkıimderi satylyp jatyr! Baǵasy 250-300 teńge turady. Shyǵarýshy - Qytaı Halyq Respýblıkasynyń shaǵyn trıkotaj fabrıkalary. Satýshy - Qaraǵandy bazaryn jaýlap alǵan qyrǵyz áıelderi. Yshqyryndaǵy rezeńke tusyna týymyz tústes kógildir jolaq júrgizgen. Jolaqta týra týdaǵy sary boıaýmen «Qazaqstan» degen sóz battıta aǵylshynsha jazylǵan. Sol jaǵynyń san tusynda - Qazaqstan kartasy! Kartanyń dál ortasynda - Altyn kúnimiz, kún astynda qanat jaıǵan qaıran qyranymyz!..», dep jazady «Alash aınasy» gazeti. Bul týraly basylymnyń beısenbilik nómirinde jarııalanǵan «Memlekettik rámizdi qorlaǵan taýarlar kedennen qalaı ótken?!» atty maqalada jan-jaqty baıandalǵan.

***

Adamdy ımandylyq pen izgilikke tárbıeleıtin Islamdy búginde Qazaqstan halqynyń basym kópshiligi ustanady dep aıtqanymyzben, keıbir baýyrlarymyz basqa din ókilderiniń jeteginde júrgendigi shyndyq. Degenmen, ózge ulttan da Islamdy qabyldap jatqandar bar. Solardyń biri Andreı Dorofeevpen aradaǵy suhbat «Nur Astana» gazetiniń beısenbilik sanynda «Qııamet kúni árkim tek ózi úshin jaýap beredi» degen taqyryppen jaryq kórdi. Suhbat barysynda tilshiniń meshit nemese Islam dininiń ortalyqtary saǵan qandaı da bir kómek kórsetti me degen saýalyna A.Dorofeev «Islam dinin qabyldaýyńa osy din ókilderiniń tarapynan jasalǵan materıaldyq qoldaý áser etti me degiń kelip tur ǵoı. Joq! Meni Islamǵa eshkim eshqandaı qoldaýmen qyzyqtyryp tartqan joq. Islam - sekta emes. Allaǵa óz erkimmen, júregimmen qulshylyq etemin» depti. Jat din jetegindegi baýyrlarymyzǵa oı salarlyq suhbatty oqyǵyńyz kelse basylymdaǵy ekeýara áńgimege nazar salyńyz.

****

«Astana aqshamy» gazetiniń habarlaýynsha, Qazaqstannyń Saýd Arabstany Koroldigindegi elshisi Qaırat Lama Sharıf Er-Rııad qalasynyń gýbernatory, hanzada Salman ben Ábdel Ázizben kezdesken. «Kezdesý barysynda taraptar Astana men Er-Rııad qalalary arasynda baılanystar ornatý men ony damytý joldaryn talqylady. Saýd Arabstany astanasynyń gýbernatory ekijaqty qarym-qatynastardyń deńgeıin joǵary baǵalaı otyryp, Astana qalasynyń ákimi Imanǵalı Tasmaǵambetovti eki eldiń astanalary arasynda baýyrlastyq baılanystar ornatý týraly memorandýmǵa qol qoıý maqsatynda Er-Rııadqa resmı saparmen kelýge shaqyrdy», dep jazady basylym.

Osy basylymnyń dástúrli «áleýmet saýaly - ákim jaýaby» aıdarynda elorda basshysy I.Tasmaǵambetov qala jurtshylyǵynyń ózderin mazalaǵan saýaldaryna tuşymdy jaýap bergen.

Uly jeńistiń 65 jyldyq mereıtoıyna oraı «Astana aqshamy» gazetinde «Baqytty adam» degen taqyryppen jarııalanǵan maqala soǵys ardageri Ivan ıArýhınge arnalǵan.

***

«Ekonomıka» gazetiniń búgingi sanynda Batys Qazaqstan oblysynyń ákimi Baqtyqoja Іzmuhambetovpen aradaǵy suhbat «Daǵdarysty eńserdik, endi damýǵa qaraı bet buramyz!» degen taqyryppen jarııalandy. Óńir basshysy basylymnyń saýaldaryna jan-jaqty jaýap berip, halyq aldyndaǵy áleýmettik sala mindettemeleri, qarjylyq daǵdarysqa qarsy qoldanylǵan is-sharalar, aýmaqtyń búgingi ekonomıkalyq jaǵdaıy jóninde áńgime órbitken.

«Nur Otan» HDP Ortalyq apparatynda QR Memlekettik qyzmet isteri jónindegi agenttigi jáne QR Prezıdenti janyndaǵy Memlekettik basqarý akademııasy ókilderiniń qatysýymen «Kadrlyq rezerv» baǵdarlamasynyń tujyrymdamasyn daıyndaý jónindegi jumys komıssııasynyń kezekti otyrysyna keńinen toqtalǵan «Ekonomıka» basylymy búgingi sanynda «Tamyr-tanystyqpen táýir qyzmettiń «qulaǵyn» ustaǵan tájirıbesiz jastar kóbeıip barady» degen taqyryppen maqala jarııalandy. «Ulttyq mentalıtetti saqtaı otyryp, zaman talabyna saı kadr daıyndaý isin qolǵa alý kezek kúttirmeıtin mindetterdiń biri. Tórtkúl dúnıedegi ozyq tájirıbelerdi ózimizdegi barmen sabaqtastyrý maqsatynda Elbasynyń bastamasymen «Bolashaq» baǵdarlamasy negizinde shet elde qanshama jastarymyz oqyp jatyr. Oǵan qýanasyń. Biraq, shet elde bilim alǵandar birden «el basqarý isine aralasyp ketedi» degen pikirden aýlaq bolǵan jón sekildi», dep jazady basylym. Maqalada aıtylǵan jaıttardy basylymnyń búgingi sanynan tolyq oqı alasyzdar.

«Ekonomıka» gazetiniń jazýynsha, respýblıkanyń ındýstrııalandyrý kartasyna engizilgen serpindi jobalardy júzege asyrýda birqatar kedergiler kezdesýde. Máselen, temirjol relsterin shyǵarýǵa qamdanǵan «KSP Stell» JShS temir shıkizatynyń jetispeýshiligine ushyrap otyr. Al Ekibastuzdyń «Shyǵys» kómir kenishinde ken óndiretin Eýrazııalyq energetıkalyq korporatsııa jarylǵysh zattar saqtaıtyn jeke qoımany bir jylda salý múmkin emestigin aıtyp, ortaq qoımany paıdalaný merzimin uzartýdy suraıdy, olaı bolmaǵan jaǵdaıda bul másele kásiporynnyń ınvestıtsııalyq jobasyn ýaqytynda iske asyrýǵa keri áserin tıgizbek. Osy jáne basqa da máseleler qamtyǵan maqala basylymnyń beısenbilik sanynda «Serpindi jobalar Úkimet qoldaýyna zárý» degen taqyryppen jaryq kórdi.

***

«Kazahstanskaıa pravda» gazetiniń beısenbilik sanynda jaryq kórgen maqalada Memleket basshysy Nursultan Nazarbaevtyń Tájikstan Respýblıkasynyń Syrtqy ister mınıstri Zarıfı Hamrohondy qabyldaǵandyǵy jazylǵan. Áńgimelesý barysynda ekijaqty yntymaqtastyqtyń aýqymdy máseleleri jáne olardy odan ári damytý perspektıvasy talqylandy.

«Biz Tájikstanda Qazaqstannyń jáne Nursultan Ábishuly Nazarbaevtyń jeke óziniń qoldaýyn sezinemiz. Eki prezıdenttiń arasynda qalyptasqan dostyq ekijaqty qarym-qatynastardy odan ári nyǵaıtýǵa múmkindik týǵyzady jáne bizdi soǵan baǵyttaıdy, - dedi Z.Hamrohon jýrnalısterge arnalǵan brıfıngte», dep jazady basylym.

«Alash aınasy», «Kazahstanskaıa Pravda», «Lıter», «Izvestııa-Kazahstan», «Ekspress-K» gazetterinen keshe ótken QR Parlamenti Májilisiniń jalpy otyrysyna qatysty maqalalardy oqýǵa bolady.