Memlekettik rámizder kúni: Kókshetaýlyqtar «Meniń týym» atty sherýge qatysty

KÓKShETAÝ. QazAqparat - Kókshetaýda Qazaqstan Respýblıkasy Memlekettik rámizderi kúnine arnalǵan «Meniń týym» atty sherý ótti, dep habarlaıdy QazAqparat tilshisi.

Sherýge qatysýshylar Táýelsizdik alańynan bastap, Abaı kóshesiniń boıymen «Tý tuǵyrǵa» deıin memlekettik týdy jelbiretip júrip ótti.

Jınalǵandar aldynda quttyqtaý sóz sóılegen Aqmola oblysynyń ákimi Ermek Marjyqpaev memleketimizdiń basty rámizderi sanalatyn Ánuran, Eltańba, Kók baıraǵymyzdyń qadir-qasıetine erekshe toqtaldy.

«Egemen elimizdiń memlekettik rámizderi - halqymyzdyń ulttyq salt-sanasyn, arman-tilegin, rýhyn asqaqtatatyn erekshe qundy belgiler. Kez kelgen el Eltańbamen eńseli, Týymen tuǵyrly, Ánuranymen aıbatty. Elbasynyń jarlyǵymen 2019 jyl jastar jyly dep jarııalandy. Bul - memleket tarapynan óskeleń urpaqty qoldaýǵa baǵyttalǵan mańyzdy qadam. Muny árbir jas esten shyǵarmaýǵa tıis»,- dedi aımaq basshysy E.Marjyqpaev.

Saltanatty shara barysynda elimizdiń kók týyn dúnıejúzine tanytyp júrgen bir top aqmolalyq oblys ákiminiń alǵys hatymen marapattaldy.