Memlekettik orman qory aýmaǵynda 5 jylǵa deıin sekseýil shabýǵa tyıym salyndy

ASTANA. QazAqparat - «Memlekettik orman qory ýchaskelerindegi sekseýildi aýmaqtarda aǵash kesýge tyıym salý týraly» buıryqqa ózgertýler engizildi. Bul týraly QazAqparat QR AShM orman sharýashylyǵy jáne janýarlar álemi komıtetiniń baspasóz hatshysy Sáken Dildahmetke silteme jasap habarlaıdy.

Habarlanyp otyrǵandaı, «QR AShM keıbir máseleleri» týraly Úkimettiń 2005 jylǵy 6 sáýirdegi qaýlysynyń 17-tarmaǵynyń 376-tarmaqshasy boıynsha jańa buıryq shyqty. Ol buıryqqa sáıkes, QR memlekettik orman qory ýchaskelerindegi sekseýil aýmaqtarynda aǵash kesýdiń barlyq túrine 2023 jylǵy 31 jeltoqsanǵa deıin tyıym salyndy.

«2017 jyly zań boıynsha saýda oryndarynda sekseýildi satýǵa tyıym salǵan bolatynbyz. Jyldaǵy jaǵdaı kórsetip otyrǵandaı, brakonerlik saldarynan sekseýildiń orman qory azaıyp barady. Sondyqtan, osyndaı túbegeıli qadamdarǵa bardyq. ıAǵnı, satýǵa, sonymen qatar memlekettik orman ýchaskelerinde shabýǵa da tyıym saldyq. Biraq, sol buıryqqa ózgeris engizgen kezde elimizdiń keıbir oblystaryna tabıǵı ereksheligi boıynsha jeńildik qarastyryldy. ıAǵnı, ár otbasyna qystan shyǵý úshin 25-40 tekshe sekseýil aralyǵynda lımıt beriledi. Orman sharýashylyqtary tek shirigen sekseýildi sata alady. Satqannyń ózinde meıramhanalar nemese dámhanalar sekseýildi qujatymen, shot-faktýrasymen alýy kerek», - dedi Sáken Dildahmet QazAqparat tilshisine.