Memlekettik orman ıelenýshilerdiń ormandy sholyp, tekserý júrgizý qaǵıdalary bekitildi - Úkimet qaýlysy

  Qazaqstan Respýblıkasy Úkimetiniń qaýlysy

2011 jylǵy 30 qarasha № 1401 Astana, Úkimet Úıi

 Memlekettik orman ıelenýshilerdiń ormandy sholyp, tekserý júrgizý qaǵıdalaryn bekitý týraly

Qazaqstan Respýblıkasynyń 2003 jylǵy 8 shildedegi Orman kodeksiniń 26-babynyń 6-1) tarmaqshasyna sáıkes Qazaqstan Respýblıkasynyń Úkimeti QAÝLY ETEDІ:

1. Qosa berilip otyrǵan Memlekettik orman ıelenýshilerdiń ormandy sholyp, tekserý júrgizý qaǵıdalary bekitilsin.

2. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.

                                                                        Qazaqstan Respýblıkasynyń Premer-Mınıstri K. Másimov

 Memlekettik orman ıelenýshilerdiń ormandy sholyp, tekserý júrgizý qaǵıdalary

1. Jalpy erejeler

1. Osy Memlekettik orman ıelenýshilerdiń ormandy sholyp, tekserý júrgizý qaǵıdalary (budan ári - Qaǵıdalar) Qazaqstan Respýblıkasynyń 2003 jylǵy 8 shildedegi Orman kodeksiniń 26-babynyń 6-1) tarmaqshasyna sáıkes ázirlendi.

2. Ormandy sholyp, tekserý júrgizý merzimderi men maqsattaryna qaraı josparly, jospardan tys jáne baqylama tekserý bolyp bólinedi.

2. Ormandy sholyp tekserý júrgizý tártibi

3. Ormandy sholyp, tekserý júrgizýdi memlekettik orman ıelenýshiler uıymdastyrady jáne ótkizedi. Ony ótkizý úshin memlekettik orman ıelenýshi uıymnyń birinshi basshysynyń buıryǵymen quramynda eki jáne odan kóp adam bolatyn komıssııa qurylady jáne osy Qaǵıdalarǵa 1-qosymshaǵa sáıkes nysan boıynsha ormandy sholyp, tekserý júrgizý kestesi bekitiledi.

4. Ormandy sholyp, josparly jáne jospardan tys tekserýler júrgizý kezinde komıssııalar quramyna: orman sharýashylyǵynyń barlyq sanattaǵy orman sheberleri, ormanshylardyń kómekshileri, ormanshylar, ınjenerler, ormandardy kúzetý, qorǵaý, molyqtyrý jáne orman paıdalaný máselelerimen aınalysatyn memlekettik orman ıelenýshilerdiń memlekettik ınspektorlary men basqa da qyzmetkerleri engiziledi.

5. Ormandy sholyp, tekserý júrgizý ormandy sholý bekitip berilgen memlekettik orman ıelenýshi uıymnyń birinshi basshysynyń buıryǵymen orman kútýshiniń qatysýymen ótkiziledi.

6. Josparly tekserýler barlyq orman aınalymdarynda jylyna eki ret ótkiziledi:

1) kóktemde - qar qabaty ketkennen keıin, tekserý 1 maýsymǵa deıin aıaqtalady;

2) kúzde - qar jaýǵanǵa deıin, tekserý 1 qarashaǵa deıin aıaqtalady.

7. Jospardan tys tekserýler bir ormanshydan ekinshi ormanshyǵa orman aınalymdarynda:

1) jumystan shyǵýyna, basqa jumysqa aýysýyna, aýyryp qalýy sebepti jumysta bolmaýyna, demalysqa shyǵýyna, issapparda jáne oqýda bolýyna;

2) orman kútýshiniń qanaǵattanarlyqsyz jumysy nemese qyzmet babyn teris paıdalanýy týraly ótinishterdi tekserý qajettiligine baılanysty ótkizilgen kezde júrgiziledi.

8. Josparly tekserýlerde orman tártibin buzýshylyq barynsha kóp anyqtalǵan orman aınalymdarynda baqylaý tekserýleri júrgiziledi.

9. Ormandy sholyp, baqylaý tekserýin ótkizý úshin memlekettik orman ıelenýshi uıymnyń birinshi basshysynyń buıryǵymen quramynda keminde úsh adam bolatyn komıssııalar qurylady.

10. Ormandy sholyp, baqylaý tekserýlerin ótkizý kezinde olarǵa ózderiniń quzireti sheginde orman sharýashylyǵy salasyndaǵy ýákiletti organ men onyń aýmaqtyq organdarynyń ókilderi, oblystyq atqarýshy organdardyń orman sharýashylyǵy qurylymdyq bólimsheleriniń, ózge memlekettik organdardyń qyzmetkerleri qatysady.

11. Ormandy sholyp, josparly, jospardan tys jáne baqylap tekserý jasaıtyn komıssııa:

1) ormandardyń zańsyz aǵash kesýden qorǵalýynyń qamtamasyz etilýin;

2) orman órtteriniń aldyn alý jáne boldyrmaý, olardy der kezinde baıqaý jáne joıý jónindegi is-sharalardyń oryndalýyn;

3) orman ornalastyrý jáne orman sharýashylyǵy belgileriniń, kórneki nasıhat quraldarynyń, kóriktendirý elementteriniń saqtalýyn;

4) orman ekpeleri josparynyń, oǵan qorǵaýǵa senip berilgen memlekettik orman qorynyń ýchaskesi men múlik tizbesi týraly málimetterdiń bolýyn;

5) orman kútýshige senip berilgen múliktiń bar-joǵyn jáne onyń paıdalanýǵa jaramdylyǵyn, sondaı-aq oǵan bekitilgen kóliktiń, baılanys quraldarynyń, arnaıy quraldardyń tehnıkalyq jaı-kúıin;

6) orman kútýshiniń nysandyq kıiminiń bolýyn jáne onyń ony kıip júrý tártibin saqtaýyn tekseredi.

12. Josparly, jospardan tys jáne baqylap tekserýlerdi ótkizý kezinde tekserýler arasyndaǵy kezeńde anyqtalmaǵan orman tártibin buzýshylyqtar eskeriledi.

13. Zańsyz kesilgen aǵashtardyń túbirleri jáne orman tártibin buzý saldarynan zaqymdalǵan aǵashtar tańbalanady.

Tekserýlerdi barlyq sanattaǵy orman sharýashylyǵynyń ınjenerleri jáne bekitip berilgen tańbalary joq basqa mamandar júrgizgen kezde tańbalaý tekserýge qatysýshy mamannyń tańbasymen júrgiziledi.

14. Ormandy sholyp, tekserý aıaqtalǵannan keıin osy Qaǵıdalardyń 2-qosymshasyna sáıkes nysan boıynsha eki dana akt jasalady.

15. Ormandy josparly sholyp tekserýlerdiń qorytyndylary týraly esepterdi memlekettik orman ıelenýshiler osy Qaǵıdalardyń 6-tarmaǵynda belgilengen merzim aıaqtalǵannan keıin kúntizbelik 30 kún ishinde osy Qaǵıdalardyń 3 jáne 4-qosymshalaryna sáıkes nysandar boıynsha joǵary turǵan uıymǵa jáne orman sharýashylyǵy salasyndaǵy ýákiletti organnyń aýmaqtyq ınspektsııasyna túsindirme jazbamen birge beredi.

16 Orman sholyp, tekserýlerdiń nátıjesi boıynsha Qazaqstan Respýblıkasynyń eńbek zańnamasyna sáıkes orman tártibin buzýshylyqqa jol bergeni úshin ormanshyǵa tártiptik jaza qoldanylady.

Memlekettik orman ıelenýshilerdiń ormandy sholyp, tekserý júrgizý qaǵıdalarynyń qosymshasy resmı BAQ-tarda jarııalandy.