Memlekettik organdarǵa Májilis saılaýyna baılanysty azamattardan 67 aryz-shaǵym tústi - Bas prokýratýra
ASTANA. 12 qańtar. QazAqparat /Aıdar Ospanalıev/ - Májilis depýtattarynyń saılaýyna baılanysty memlekettik organdarǵa jeke jáne zańdy tulǵalardan 67 aryz-shaǵym tústi.
Bul málimetterdi búgin Ortalyq saılaý komıssııasynda ótken Aqparattyq daýlardy qaraý jónindegi qoǵamdyq keńestiń otyrysynda QR Bas prokýratýrasy Áleýmettik-ekonomıka salasynyń zańdylyǵyn qadaǵalaý departametiniń bastyǵy Qanat Seıitǵaparov jarııa etti.
Onyń derekterine qaraǵanda, 67 hattyń 38-i prokýratýra organdaryna, 29-y saılaý komıssııalaryna joldandy. Sondaı-aq, máslıhat depýtattarynyń saılaýymen baılanysty memlekettik organdar jeke jáne zańdy tulǵalardan 318 aryz-shaǵym aldy.
«Olardyń arasynda prokýratýra organdaryna joldanǵany -247, saılaý ýchaskelerine shaǵymdanǵandar - 65. Sondaı-aq máslıhattarǵa - 1, ishki ister organdaryna - 5 shaǵym joldandy. Osylaısha, memlekettik organdarǵa túsken jalpy ótinishterdiń sany 385-ti qurap otyr. Onyń ishinde 42 ótinish saılaý zańnamalaryn túsindirýmen baılanysty bolsa, 49 adam laýazym ıeleriniń áreketterine shaǵymdandy. 82 adam saılaý komıssııasy músheleriniń áreketterine narazylyq bildirse, 117 shaǵym saılaýaldy úgit jumystarymen baılanysty boldy. 32 hat saılaýǵa kandıdat retinde usynylǵan azamattardyń kandıdatýralarymen kelispeý jóninde boldy, qalǵan 62-siniń saılaý úderisine qatysy bolmaı shyqty. Atap aıtqanda, olar saılaý úderisin jetildirýmen baılanysty túrli usynystar», - dedi prokýratýra ókili.
