Memlekettik organdardyń shtattyq sanyn 15 paıyzǵa qysqartý sharasy jol polıtsııasynyń jeke quramyn qamtymaıdy - ІІM
ASTANA. Qarashanyń 1-i. QazAqparat /Aıdar Ospanalıev/ - Memleket basshysynyń 2010 jylǵy 1 qarashadan bastap memlekettik organdardyń shtattyq sanyn 15 paıyzǵa qysqartý jónindegi Jarlyǵy jol polıtsııasy qyzmetkerlerin qamtymaıdy.
Bul týraly búgin jýrnalıstermen bolǵan brıfıngte Іshki ister mınıstrigi Jol polıtsııasy komıtetiniń tóraǵasy Qaırat Tynybekov málim etti.
Onyń sózine qaraǵanda, qysqartýlar negizinen Jol polıtsııasy komıtetiniń Ortalyq apparatynyń qyzmetkerlerin ǵana qamtıdy. «Alaıda bul sharalardyń jeke qurylymdar qyzmetkerlerine eshqandaı qatysy joq. Bizde jeke qurylym sany onsyz da jetkiliksiz. Elde uzaqtyǵy 93 myń shaqyrym jol bar bolsa, onyń 23 shaqyrymy - respýblıkalyq baǵyttaǵy joldar. Osy 23 myń shaqyrym aımaqty nebári 148 tártip saqshysy baqylaıdy. Osynyń ózi jol polıtsııasy qyzmetkerleri qanshalyqty jetkiliksiz ekendigin kórsetse kerek», dedi komıtet tóraǵasy.
Esterińizge sala keteıik, «Memlekettik bıýdjettiń jáne Qazaqstan Respýblıkasy Ulttyq banki smetasynyń (bıýdjeti) esebinen ustalatyn organdardyń shtattyq sanyn ońtaılandyrý jónindegi sharalar týraly» QR Prezıdentiniń Jarlyǵy boıynsha memlekettik organdardyń shtattyq sanyn 15 paıyzǵa qysqartý sharasy búginnen bastalady.
