Memlekettik organdardyń satyp alýlaryndaǵy qazaqstandyq úles 89,4 mlrd. teńgeni qurady

ASTANA. 12 jeltoqsan. QazAqparat - 2011 jyldyń 9 aıynda jalpy quny 154 856 mln. teńge bolatyn memlekettik satyp alýlar týraly 532 780 kelisimshart boıynsha mindetter oryndalyp,

taýar, jumystar men qyzmetterdegi qazaqstandyq úles 89 418,9 mln. teńgeni qurady, dep habarlaıdy Pm.kz. saıty úshin QR Indýstrııa jáne jańa tehnologııalar mınıstrligi.

«Taýarlardy memlekettik satyp alý 82 464,5 mln. teńgeni, sonyń ishinde otandyq taýar 33 269,1 mln. teńgeni qurady, bul satyp alynǵan taýarlardyń jalpy kóleminen 40,3 paıyz qazaqstandyq úlesti quraıdy», - delingen vedomstvonyń habarlamasynda.

Qazaqstandyq úlesti damytýdyń 2010-2014 jyldarǵa arnalǵan baǵdarlamasy aıasynda básekege qabiletti taýarlardyń, jumystar men qyzmetterdiń otandyq óndirisin turaqty damytý, sondaı-aq olardy ishki naryqqa shyǵarý úshin jaǵdaı jasaý kózdelgen.