Memlekettik organdardyń qyzmetin baǵalaý júıesine ózgeris engizý kerek -QR Prezıdenti
NUR-SULTAN. QazAqparat - Memleket basshysy Qasym-Jomart Toqaev óńir ákimderiniń qatysýymen ótken keńeste eldiń ekonomıkalyq damýyna qatysty birqatar tapsyrma berdi. Bul týraly QR Prezıdentiniń baspasóz hatshysy Berik Qurmanǵalı feısbýktegi paraqshasynda jazdy, dep habarlaıdy QazAqparat.
«Memleket basshysy ekonomıkanyń ósýi men ártaraptandyrylýyna qol jetkizýdegi basty faktorlar retinde ınvestıtsııany, eksportty jáne ındýstrııalandyrýdy atap ótti. Osyǵan baılanysty memleket pen bıznestiń, sondaı-aq ortalyq pen óńirlerdiń úılesimdi jumys isteý qajettigi atalyp ótti», - dep jazdy baspasóz hatshysy.
Q.Toqaev jekelegen óńirlerde iskerlikke qolbaılaý bolatyn ákimshilik kedergiler men shekteýler máselesine nazar aýdardy.
«Odan bólek, Memleket basshysy, tartylǵan ınvestıtsııalar men shıkizattyq emes eksport kóleminiń mınıstrler men ákimderdiń qyzmetin baǵalaýdyń negizgi kórsetkishteri bolatynyn málimdedi. Sondyqtan Prezıdent Ákimshiligine memlekettik organdardyń qazirgi baǵalaý júıesine tıisti ózgerister engizý tapsyryldy», - deıdi Berik Qurmanǵalı.
