Memlekettik organdardyń quzyretin zańnamalyq deńgeıde bekitýge arnalǵan zań qabyldandy - Parlament
ASTANA. 19 jeltoqsan. QazAqparat - Búgin QR Parlamenti Senatynyń Tóraǵasy Qasym-Jomart Toqaevtyń jetekshiligimen ótip jatqan palatanyń jalpy otyrysynda
«Qazaqstan Respýblıkasynyń keıbir zańnamalyq aktilerine memlekettik organdardyń quzyretin zańnamalyq jáne (nemese) zańǵa táýeldi deńgeıde bekitý máseleleri boıynsha ózgerister men tolyqtyrýlar engizý týraly» zań jobasy ekinshi oqylymda maquldanyp, qujat qabyldandy. Endi Parlamentpen qabyldanǵan zań Memleket basshysynyń qol qoıýyna joldanady.
Atalǵan qujat, QR Konstıtýtsııalyq Keńesiniń 2008 jylǵy 15 qazandaǵy normatıvtik qaýlysyn iske asyrý maqsatynda ázirlengen. Bul rette memlekettik organdardyń quzyreti QR Konstıtýtsııasynda, konstıtýtsııalyq zańdarda, sondaı-aq zańǵa táýeldi aktilerde de belgilený múmkindigi qarastyrylady.
Osyǵan oraı, zań jobasynda qoldanystaǵy zańnamalyq aktilerden memlekettik organdardyń mańyzdy qoǵamdyq qatynastardy rettemeıtin fýnktsııalaryn alyp tastaý usynyldy. Bul ulttyq zańnamany jeńildetýge, memlekettik organdar qyzmetiniń tıimdiligin arttyrý úshin quqyqtyq salany jetildirýge múmkindik beredi.
Budan bólek, memlekettik organdardyń «ishki» rásimdik máselelerimen: kadr máselesimen, qyzmetkerlerdiń biliktiligin arttyrý máselelerimen, vedomstvolyq baǵynysty uıymdardyń qyzmetin uıymdastyrý máselelerimen baılanysty jekelegen fýnktsııalar zańnamalyq aktilerden alyp tastalady.
