Memlekettik organdardyń kóptegen ákimshilik kedergileri jemqorlyqtyń resmılendirilgen túrin týdyrady
ASTANA. QazAqparat - Memlekettik organdardyń qurǵan kóptegen ákimshilik kedergileri jemqorlyqtyń resmılendirilgen túrin týdyrady. Bul jaıynda búgin QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Astana qalasy boıynsha departamentiniń basshysy Dýlat Ázbergenov málim etti.
«Biz memlekettik organdardyń ózderi kórsetip otyrǵan qarapaıym qyzmetterdiń naqty sanyn belmegeni, memlekettik qyzmet týraly zańdy júıeli buzýyn, sondaı-aq memlekettik organdar tarapynan qoldan jasalǵan bıýrokratııalyq kedergiler faktilerin anyqtadyq»,- dedi ol.
Osy oraıda departament basshysy qyzmet merzimin uzaqqa sozý, artyq qujattardy suraý, qyzmetti negizsiz sebeptermen kórsetpeý jáne basqa da kemshilikter bar ekendigin jetkizdi.
Onyń sózine qaraǵanda, kóptegen ákimshilik kedergiler azamattardyń zańdy tulǵalarǵa tikeleı jolyǵýǵa májbúrleıdi, óz kezeginde olar memlekettik qyzmetti aqyly negizde jedeltetip kórsetýge daıyn. Bul - jemqorlyqtyń zańdastyrylǵan formasy ispettes.
«Máselen, Astana qalasynyń Sáýlet jáne qala qurylysy basqarmasynyń aldynda túrli JShS-lar nysannyń sáýlettik-josparlaý qujatyn berý boıynsha memlekettik qyzmetti kórsetý týraly máseleni sheshýdi jyldam kómektesýge daıyn jónindegi usynystardy jasaıdy. Al bekitilgen tártipte bul qyzmet boıynsha jyldamdatyp atqarý qarastyrylmaǵan», -dedi Dýlat Ázbergenov.
