Memlekettik organdardyń qazaq tilindegi is-qaǵazdar aınalymy áli de mardymsyz - S. Esjanov
ASTANA. Mamyrdyń 5-i. QazAqparat /Qanat Mámetqazyuly/ ‑Atqarylǵan sharalarǵa qaramastan memlekettik organdardyń qazaq tilindegi is-qaǵazdar aınalymy áli de mardymsyz. Búgin QR Parlamenti Májilisiniń jalpy otyrysynda memlekettik til tóńiregindegi máselelerdi qozǵaǵan depýtat Saýyrbaı Esjanov osylaı málim etti,
dep habarlaıdy QazAqparat.
«Osydan eki jyl buryn Mádenıet jáne aqparat mınıstrligi Til zańynyń 23-shi babyn iske asyrý maqsatynda tıisti zań jobasyn ázirlep, memlekettik tildi biliktilik talaptaryna sáıkes bilýi qajet qyzmet salalaryn, mamandyqtardy belgilegen edi. Bul jobada azamattardyń memlekettik tildi bilý deńgeıin anyqtaıtyn «QazTEST» júıesin zańdastyrý erejeleri de qarastyrylǵan bolatyn. Atalǵan joba Memlekettik til saıasatyn odan ári jetildirý jónindegi komıssııada maquldanǵanyna qaramastan, bul qujat áli kúnge Parlament Májilisiniń qaraýyna usynylǵan joq», dedi depýtat. Sonymen birge, S. Esjanov memlekettik organdardaǵy is-qaǵazdarynyń qazaq tilindegi úlesine de nazar aýdaryp, ásirese ortalyq atqarýshy organdarda bul másele mardymsyz ekendigin atap ótti. «Mysalyǵa, Munaı jáne gaz mınıstrligi men Tótenshe jaǵdaılar mınıstrliginde is-qaǵazdary aınalymyndaǵy memlekettik tildiń úlesi 23-40 paıyz deńgeıde ǵana eken. Oblys ákimshilikterindegi jaǵdaı da birkelki emes», dedi depýtat.
