Memlekettik organdardyń ishinde polıtsııa qyzmetkerleri jemqorlyq eń kóp taraǵandar qatarynda emes - ІІM
ASTANA. Aqpannyń 24-i. QazAqparat /Rýslan Ǵabbasov/ - Memlekettik organdardyń ishinde polıtsııa qyzmetkerleri jemqorlyq eń kóp taraǵan qyzmetterdiń qatarynda emes.
Bul týraly búgin jýrnalıstermen bolǵan brıfıntge Іshki ister mınıstrliginiń Til saıasaty jáne aqparat departamentiniń bastyǵy Qýanyshbek Jumanov málim etti,
« shki ister organdarynda sybaılas jemqorlyq faktileriniń oryn alyp otyrǵanyn biz bilemiz. Bul baǵyt boıynsha udaıy jumystardy jalǵastyrýdamyz. Sonymen qatar osyndaı teris kórinisterge qatysty qatań sharalar atqarylýda», dedi ol.
ІІM qylmysqa qarsy kúreste aldyńǵy qatarda turǵan organ bolyp tabylatynyn jetkizgen Q. Jumanov, «Qazaqstanda 76 myń polıtsııa qyzmetkeri bar. Eger qyzmetkerlerdiń jalpy sanyna sybaılas jemqorlyqtyń ara qatynasyn alyp qaraıtyn bolsaq, memlekettik organdardyń ishinde polıtsııa qyzmetkerleri jemqorlyq eń kóp taraǵan qyzmetterdiń qatarynda emes ekenine kóz jetkize alamyz», dedi ol.
Q. Jumanovtyń sózine qaraǵanda, 1 myń qyzmetker úlesine eki sybaılas jemqorlyq qylmysy keletinin eskergende, sybaılas jemqorlyq ındeksi boıynsha resmı málimet reıtıngisinde ІІM 31 memlekettik organnyń ishinde 18-shi orynda tur.
