Memlekettik organdardyń basshylyq laýazymdarynda «kezdeısoq adamdar» bolmaýy kerek - N. Erimbetov

ASTANA. QazAqparat - Qazaqstan Azamattyq alıansynyń prezıdenti Nurlan Erimbetovtyń paıymynsha, Memleket basshysy Nursultan Nazarbaevtyń «Ult jospary - qazaqstandyq armanǵa bastaıtyn jol» maqalasynda belgilengen memlekettik qyzmettegi reformalar memlekettik organdardy «kezdeısoq adamdardan» aryltady.

«Maqalada memlekettik qyzmet týraly qamtylǵan máseleler maǵan óte unady. ıAǵnı, kez kelgen sheneýnik jumysty tek tómengi laýazymdardan bastaıtyndyǵyna ekpin qoıylyp otyr. Memlekettik qyzmetker aýyl, stansa, aýdan, oblys ómirin jaqsy bilýi kerek. Adamdar basshylyq laýazymdarǵa kezdeısoq kelmeýi tıis. Atap aıtqanda, sheneýnik mansaptyq ilgerileýdiń barlyq jolynan ótýi qajet»,-dedi qoǵam qaıratkeri búgin Ortalyq kommýnıkatsıalar qyzmetindegi baspasóz máslıhatynda.
Sonymen qatar, ol memlekettik qyzmetkerdiń etıka erejelerin qatań saqtaýǵa mindetteıtin qadamdardyń durystyǵyn atap ótti.
Osy oraıda, N. Erimbetov qazaqstandyqtarǵa reformalar kezeńinde qur qol qýsyryp otyrmaı, adamdar árdaıym ózin jetildirýi kerek degen keńes aıtty.
«Búginde osy turǵyda árbir adam óziniń taǵdyryna jaýapkershilikpen qaraýy kerektigine ekpin qoıylýda. Barlyǵyn bılikke júktep qoıýǵa bolmaıdy. Eldiń ár azamaty ózin damytyp, básekege qabiletti bolýy tıis»,-dedi ol.