Memlekettik organdardyń baspasóz hatshylary qandaı bolýy kerek
Otyrysta jobany tanystyrǵan mınıstrliktiń BAQ salasyndaǵy memlekettik saıasat departamenti dırektory Eldos Náshiráli ótken jyldyń sońynda aqparat jáne kommýnıkatsııalar máseleri boıynsha zań qabyldanyp, BAQ-tyń damýyna jaıly ózgerister qarastyrylǵanyn eske saldy.
«Ol ózgeristerdiń biri - ortalyq memlekettik organdarda, jergilikti atqarýshy organdarda BAQ-pen ózara is-qımyl jasaý jónindegi ýákiletti qurý bolatyn. Ózderińiz biletindeı, atalǵan máselege qatysty biryńǵaı jol joq edi. Árbir memlekettik organ óziniń qajettilikterine qaraı resmı tulǵany nemese baspasóz hatshysyn belgilep kelgen. Bul jumystaǵy júıelilikti qalyptastyrý úshin mınıstrlikpen zań aıasynda ýákiletti organnyń nemese qurylymdyq bólimsheniń mindetteri men tapsyrmalarynyń, qyzmetiniń bazasyn anyqtaıtyn tıptik qalyp jasaldy», - dedi ol.
Eldos Náshiráliniń aıtýynsha, zań aıasynda atalmysh jaýapty tulǵanyń nemese bólimsheniń turaqty túrde jumys júrgizip turýyn qamtamasyn etýge baǵyttalǵan sharalar qarastyrylǵan.
«Demek, ol (baspasóz hatshylyǵy - avt.) basqa da bir qurylymdyq bólimsheniń quramynda bola almaıdy. Ol tek birinshi basshyǵa baǵynady», - dedi mınıstrlik ókili.
Eldos Náshiráli túsindirip ótkendeı, ýákiletti tulǵanyń, bólimsheniń maqsaty naqty aıqyndalǵan. ıAǵnı ol ýaqtyly ári sapaly túrde memlekettik organnyń aqparatyn bere alady. Osynyń arqasynda tilshiler qaýymymen belsendi ári tyǵyz jumys jasalyp, baspasóz máslıhatyn, brıfıngti ótkizý, suhbat uıymdastyrý jumystary atqarylady.
Otyrysta sóz alǵan QR Aqparat jáne kommýnıkatsııalar mınıstriniń orynbasary Alan Ájibaev mundaı zańǵa súıenip, birinshi basshylar tilshilermen suhbattasýdan qashpaı ma degen suraqqa jaýap berdi.
«Úkimet nemese Parlament otyrysynda bolsyn, qazirgi ýaqytta birinshi basshy tilshilerdiń suraǵyna qashan da ashyq túrde jaýap berip júr. Sonymen qatar, qosa keterligi - birinshi basshynyń resmı ókili kez kelgen ýaqytta tilshilerdiń suraǵyna jaýap bere alatyn adam bolady», - dedi vıtse-mınıstr.
