Memlekettik organdardyń básekelestik ortaǵa berý kózdelgen qyzmetteriniń bazalyq tizilimi qyrkúıekte daıyn bolady
Bul týraly búgin QR Parlamenti Májilisi Ekonomıkalyq reforma jáne óńirlik damý komıtetiniń keńeıtilgen otyrysynda Ulttyq ekonomıka birinshi vıtse-mınıstri Marat Qusaıynov málim etti.
«Memlekettik organdardyń qyzmetterine túgendeý júrgizý jáne odan keıingi naryqqa daıyndyǵyna (memlekettik organdardyń qyzmetterin básekelestik ortaǵa berý) saraptama úshin komıssııa janynan eksperttik top quramy bekitildi. Búgingi kúni ortalyq memlekettik jáne jergilikti atqarýshy organdarda jumys toptary qurylyp, qabyldaǵan ádisterdi eskere otyryp sáıkesinshe jumystar júrgizilýde. Túgendeý aǵymdaǵy jyldyń mamyr aıynda bitedi. Maýsymda básekelestik ortaǵa beriletin qyzmetterdiń aldyn ala tizilimi jarııalanady. Shilde-tamyz aılarynda Ulttyq kásipkerler palatasy men Qazaqstannyń Azamattyq alıansy naryqtyń daıyndyǵyna saraptama júrgizedi. Al qyrkúıekte Úkimetke berilýi kózdelip otyrǵan qyzmetterdiń bazalyq tizilimi usynylady», - dedi vıtse-mınıstr.
M.Qusaıynovtyń atap ótýinshe, memlekettik organdardyń qyzmetterin túgendeý olardyń jiktelimine oraı kezeń-kezeńmen atqarylady.
Onyń aıtýynsha, Ult josparynyń 97-qadamynda ózin-ózi retteý jáne jergilikti ózin ózi basqarýdy damytý arqyly sheshim qabyldaý protsesine azamattardyń qatysý múmkinshiligin keńeıtý qarastyrylǵan. Bul qadamdy júzege asyrý barysynda álemdik úzdik tájirıbe zerdelengen ári AQSh-tyń qoldanystaǵy ádisteri negizge alynǵan. Sáıkesinshe zań jobasy aǵymdaǵy jyldyń shildesinde komıssııa nazaryna usynylatyn bolady.
