Memlekettik organdardyń atyn jamylyp, turǵyndardy aldap kelgen alaıaqtar ustaldy

ASTANA. QazAqparat - Sybaılas jemqorlyqqa qarsy qyzmet arnaıy operatsııa nátıjesinde alaıaqtar tobyn áshkereledi, dep habarlaıdy QazAqparat QR Sybaılas jemqorlyqqa qarsy is-qımyl agenttiginiń baspasóz qyzmetine silteme jasap.

Baspasóz qyzmetiniń málimetterine qaraǵanda, alıaqtar memlekettik organdar basshylarynyń senimdi adamdary bolyp kórinip, azamattardy adastyryp, ártúrli máselelerdiń sheshimi úshin para berýge ıtermeleý arqyly olardyń qarajatyn urlaǵan.

Top músheleriniń biri B.Q.Ábdikerimov sottyń sanktsııasymen qamaýǵa alyndy.

Basqa qatysýshy M.J. Turanovtan «Halyqaralyq polıtsııa ortalyǵy» («Interpol Center UN») general-maıorynyń kýáligi tárkilendi.

Qazirgi ýaqytta qylmystyq is boıynsha jedel-tergeý is-sharalar kesheni júrgizilýde. Atalǵan adamdardyń basqa qylmystar jasaýǵa qatysy bar-joǵy tekseriledi.

Tergeý múddesi úshin ózge de aqparat jarııa etýge jatpaıdy.

«Sybaılas jemqorlyqqa qarsy qyzmet alaıaqtardyń memlekettik organdarda oıdan shyǵarylǵan baılanystarmen jasyrynyp, qylmystyq-jazalanatyn is-áreketter jasaýynyń jalǵasyp jatqan jaǵdaılaryna nazar aýdarady. Barlyq osyndaı faktiler týraly 1424 nómiri boıynsha Sybaılas jemqorlyqqa qarsy qyzmetke habarlasýyńyzdy suraımyz»,-delingen habarlamada.